شوکت میرضیایف تورکیه جمهور باشلیغی ارینباسری گه دوستلیک مدالی تقدیم ایتیب تاقدی

اوزبیکستان جمهور باشلیغی شوکت میرضیایف تورکیه جمهور باشلیغی اورینباسری فواد اوکتای گه «دوستلیک مدالی» تقدیم ایتیب تاقدی.

تورک دولتلری تشکیلاتی فوق العاده جلسه سی آلدی تورکیه جمهور باشلیغی رجب طیب ایردوغان بیلن اوزبیکستان جمهور باشلیغی شوکت میرضیایف اورته سیده تورکیه جمهور رئیسلیک مجتمعیده بولیب اوتگن اوچره شووده  میرضیایف تورکیه جمهور باشلیغی اورینباسری فواد اوکتای گه تورکیه – اوزبیکستان مناسبتلری نینگ کوچه ییشی گه حصه قوشگن لیگی طفیلی «دوستلیک مدالی» تقدیم ایتیب تاقدی.

اوشبو مدال نینگ بیریلیشی اوتگن سپتامبر آییده قرار قیلینگندی.

جمهور باشلیغی میرضیایف تامانیدن قول قوییلگن اوشبو دوستلیک مدالی قرارنامه سی مراسمده اوقیلدی.

قرارنامه ده "سیاسی، دیپلوماتیک، تجارت، اقتصاد، سرمایه کیریتیش، تعلیم، بیلیم و مدنی – بشری ساحه لریده مناسبتلرنینگ کوچه یشی گه قوشگن حصه لری، خلقلریمیز آره سیده گی دوستلیک و بیردملیک باغلرینی کوچه یتیریش، اوزاق مدتلی و کینگ مناسبتلرنی ینگی بیر سویه گه چیقریش توغریسیده گی فایده لی اورونیشلری طفیلی تورکیه جمهور باشلیغی اورینباسری فواد اوکتای گه دوستلیک مدالی بیریلسین. اوزبیکستان جمهوریتی جمهور باشلیغی شوکت میرضیایف" دییلگن.

کیین میرضیایف، ایردوغان و هیئات اعضالری نینگ آلقیشلری بیلن دوستلیک ساورینی اوکتای گه تقدیم ایتیب تاقیلدی.