عمران خان: حکومت مینی اوشلب آلیب اولدیرماقچی

پاکستانده بورونغی باش وزیر عمران خان نینگ طرفدار لری بیلن پولیس اورته سیده توناون باشله گن توقنه شوولر بوگون هم دوام ایتماقده. 

اونینگ بیلن علاقه لی دعوی اوچون محکمه گه بارمه گن لیگی باعث قولگه آلینیشی گه قرار قیلینگن عمران خان نینگ پولیس تامانیدن اوشلنماقچی بولگن لیگی گه قرشی پاکستانده ناراضیلیک نمایش لری دوام ایتماقده. 

لاهورده گی توقنه شوولرده حاضرگه چه 33 نفر پولیس یره له نرایکن, کوپلب مظاهره چی ایسه قولگه آلیندی. 

پاکستان عدالت حرکتی حزبی نینگ باشلیغی عمران خان, تویتر آرقه لی بیرگن بیاناتیده, حکومت نینگ نیتی نینگ اونی اوشلب آلیب اولدیریش دن عبارت ایکن لیگینی ادعا ایتدی. 

پنجاب امنیه قوماندانی عثمان انور ایسه, پاکستان عدالت حرکتی حزبی طرفدارلری نی آگاهلنتیریب, زورانلیک نینگ دوام ایتیشی تقدیرده, قتتیق تدبیرلر آله دیگن لیک لرینی بیلدیردی. 

پاکستان جمهوررئیسی عارف علوی هم, عمران خان نینگ خوفسیزلیگی بوییچه قیغولی ایکن لیگینی معلوم قیلدی. 

باش وزیرلیگی دوری ده خارجی سیاستچی لردن آلگن ساوغه لرنینگ ساتیلگن لیگی و میلادی 2022- ییل آگست آییده بیر عیال قاضی نی تهدید قیلگن لیگی سببلی بورونغی باش وزیر عمران خان حقیده دعوی اقامه قیلینگن ایدی.