پاکستان نینگ سابق باش وزیری عمران خان اوچون حبس گه آلیش قرار بیریلدی

پاکستانده ایککی سود جلسه سیگه قتنشمه گن سابق باش وزیر عمران خان اوچون حبس آلیش قراری بیریلدی.

ملی مطبوعاتده گی خبرلرده بیلدیریلیشیچه اسلام آباد منطقه سودیده عمران خان نینگ باش وزیرلیگی پیتیده چیت ایللیک دولت ییتکچیلری تامانیدن بیریلگن سوغالرنینگ ساتیلگن لیگی و اوتگن ییلی اگست آییده خاتین بیر قاضینی تهدید ایتگن لیگی ادعاسی بیلن تیگیشلی سودگه تارتیلگن ایککی دعوانینگ جلسه سی بولیب اوتگن.

ایککی سود هم دعوا جلسه سیگه قتنشمه گن خان اوچون علیحده علیحده حبس گه آلیش قرار بیریلگن.

سودلرنینگ بو قراری نینگ آرتیدن اسلام آباد امنیه قومندانلیگی کوچلری خان نی قولگه آلیش اوچون تیک اوچر آرقه لی لاهورگه بارگن.

شونده ی بولیب خان 30 اپریلده پنجاب ایالتیده اوتکزیله دیگن سیلاو اوچون بوگون کمپاین اوتکزیش مقصدی بیلن لاهورده گی اوییدن یول گه قوییلگن لیگی بیلدیریلدی.

عمران خان نینگ باش وزیرلیگی پیتیده چیت ایللیک دولت ییتکچیلری تامانیدن بیریلگن سوغالرنینگ ساتیلگن لیگی بیلن تیگیشلی دعواده 28 فبروریده حبس گه آلیش قراری قبول قیلیب آلینگندی.

پولیس کوچلری 5 مارچده خان نی قولگه آلیش اوچون کیلگنده اوییده یوقلیگی بیلدیریلگندی.