امریکا قوشمه ایالتلری – تورکمنستان تشقی ایشلر وزیرلری اوزارا اوچره شوو اوتکزدی

تورکمنستان تشقی ایشلر وزیری رشید میریدوف، قزاقستان نینگ پایتختی آستانه ده بولیب اوتگن اورته آسیا و امریکا قوشمه ایالتلری تشقی ایشلر وزیرلری جلسه سی دایره سیده امریکا قوشمه ایالتلری تشقی ایشلر وزیری انتونی بلینکن بیلن اوچره شدی.

امریکا قوشمه ایالتلری حکومتی نینگ رسمی تویتر آدرسی آرقه لی بیریلگن بیاناتده امریکا قوشمه ایالتلری تشقی ایشلر وزیری بلینکن تورکمنستان بیلن امریکا قوشمه ایالتلری اورته سیده گی 30 ییلدن آرتیق مدتدن بیری دوام ایتیب بارگن شریکلیک نینگ فخرلنتیرووچی ایکن لیگینی معلوم قیلیب تورکمنستان بیلن منطقوی خوفسیزلیک، اقلیم اوزگریشی، انسانلر اوچون کوچلی اقتصادی برقرارلیک و مستحکم دموکراتیک قدریتلر موضوعلرینی تیلگه آلیش اوچون بیرگه لیکده انچه نرسه قیلماقچی ایکن لیکلرینی قید ایتدی.

تورکمنستان تشقی ایشلر وزیری میره دوف جلسه نینگ تورکمنستان بیلن امریکا قوشمه ایالتلری اورته سیده گی مناسبت نینگ کوچه یشی حقیده اوچره شیش اوچون کتته فرصت بولیشینی افاده ایتدی.

تورکن تشقی ایشلر وزیری ایککی اولکه اورته سیده انچه کوچلی و یخشی بیر استشاره میکانیزمی بارلیگینی و بو استشاره لرنینگ یقین بیر تاریخده قیته دن اویوشتیریلیشی بیلن اوزارا مناسبت قاله ویرسه منطقوی خوفسیزلیک موضوعلرینی کینگ کولملی تیلگه آلیشلری نینگ ممکن ایکن لیگینی بیلدیردی.

قزاقستان تشقی ایشلر وزیری جنبیک کولوبایف هم خوددی شو جلسه دایره سیده بلینکن بیلن اوچره شدی.

کولوبایف بیلن بلینکن نینگ اوچره شوویده کون ترتیبیده گی موضوعلر، کیلجک اوچون همکارلیک موضوعلری و 2023 ییلی مشترک همکارلیک ریجه لری تیلگه آلیندی.