ایران هوا کوچلری کینگ بیر حربی سینش اوتکزماقده

اوشبو حربی سینش ایران اردوسیدن هوا مدافعه کوچلری نینگ قتنشیشی بیلن آلیب باریلماقده

1952498
ایران هوا کوچلری کینگ بیر حربی سینش اوتکزماقده

ایران کوچلری نینگ کینگ کولملی هوا مدافعه سینشی گه باشله گن لیگی بیلدیریلدی.

ایران دولت تلویزیونی خبر بیریشیچه، "ولایت سماسی مدافعه چیلری 1401" دیب اتلگن خوددی شو حربی سینش اردو و انقلاب محافظلری اردوسیدن هوا مدافعه کوچلری نینگ قتنشیشی بیلن آلیب باریلماقده.

حربی سینش حقیده معلومات بیرگن جنرال قدیر رحیمزاده شولرنی ایتدی:

خاص مقصدلی مشترک هوا مدافعه سینشی نینگ عملیات باسقیچی اولکه نینگ شمال – غرب، غرب و مرکزیده گی هوا ساحه سیده آلیب باریله دی. حربی سینش نینگ سونگگی باسقیچی اولکه هوا ساحه سی نینگ قریب اوچدن ایککیسی یعنی 1 میلیون کیلومتردن آرتیق بیر ساحه ده اوتکزیله دی" دیدی.

رحیمزاده حربی سینشده حربی اوچاقلر، هیداوچیسیز هوا واسطه لری، رادارلر، الکترونیک اوروش واسطه لری و علاقه سیستملریدن ایش آلینه جگینی و 100 دن آرتیق اوچاق بیلن اولکه نینگ هسته ای، حربی و اقتصادی مرکزلریگه قره ته احتمالی بیر هجوم گه قرشی هوا مدافعه سیستملری نینگ کوچی نینگ تیست ایتیله جگینی بیلدیردی.



علاقه لی ینگی لیکلر