پاکستانده گی ترورچیلیک حادثه سیده اولگنلر سانی یوزدن آشدی

پشاور شهریده 30 جنوریده بیر مسجدده خودکش هجومی اویوشتیریلگندی

1941554
پاکستانده گی ترورچیلیک حادثه سیده اولگنلر سانی یوزدن آشدی

پاکستان نینگ خیبر پختونخواه ایالتی پشاور شهریده 30 جنوریده بیر مسجدده اویوشتیریلگن خودکش هجومیده حیاتینی یوقاتگنلر سانی 102 نفرگه ییتدی.

ملی مطبوعاتده گی خبرلرگه کوره، کسلخانه ده گی یره لیلردن ینه 2 کیشی نینگ حیاتینی یوقاتیشی بیلن اولیک سانی 102 گه ییتگن.

خیبر پختونخواه امنیه قومندانی معظم جاه انصاری، هجوم نینگ آرتیدن آلیب باریلگن تیرگاو دایره سیده بیرگن بیاناتده، هجومچی نینگ پولیس کییمی بیلن مسجدگه بارگن لیگینی و شونده ی بولیب انچه خوفسیزلیک تیکشیروو نقطه سینی اوتگن لیگینی ایتدی.

انصاری، هجومچی نینگ موترسایکل آرقه لی منطقه گه کیلگن لیگینی معلوم قیلیب خودکش هجومچیسی نینگ ماسک و ایمنی کلاه کییب کیملیگینی یشیرگن لیگینی بیلدیردی.

آلیب باریلگن تیرگاو و تخنیک دلیللرگه قره ب اوشبو هجوم نینگ پاکستان طالبانی (TTP) دن اجره لگن جماعت الاحرار تامانیدن قول اوریلگن لیگی ممکن ایکن لیگینی بیان ایتگن انصاری جماعت الاحرار، پاکستان طالبانی و دشمن بیر استخبارات تشکیلاتی نینگ بو هجوم گه قولی بارلیگی انیق ایکن لیگینی افاده ایتدی.

انصاری استخبارات تشکیلاتی نینگ آتی ویا باغلیق بولگن اولکه حقیده بیانات بیرمه دی.



علاقه لی ینگی لیکلر