پاکستانده گی حادثه ده اولگنلر سانی آرتیب کیتدی

پاکستان نینگ خیبر پختونخواه ایالتیده تیناون کونی توش نمازی پیتیده بیر مسجدده اویوشتیریلگن خودکش هجومیده حیاتینی یوقاتگنلر سانی 93 نفرگه ییتدی.

ملی مطبوعاتده گی خبرلرگه کوره، تیناون کونی پشاور شهری نینگ پولیس لائن منطقه سیده توش نمازی پیتیده بیر مسجدده اویوشتیریلگن خودکش هجومی نینگ آرتیدن آلیب باریلگن قیدیروو و قوتقروو اورونیشلری دوام ایتماقده.

ییتکچیلر خودکش هجومیده حیاتینی یوقاتگنلر سانی نینگ 93 نفر گه ییتگن لیگینی یره لنگن قریب 221 کیشی نینگ تداویسی نینگ دوام ایتیب تورگن لیگینی بیلدیرماقده.

پشاورده جایلشگن بیر کسلخانه نینگ سوزچیسی محمد عاصم بوگون حیاتینی یوقاتگنلرنینگ کوپراغی نینگ اویوشتیریلگن هجومده یره لنگن پولیس منسوبلریدن عبارت ایکن لیگینی ایتدی.

خیبر پختونخواه حکومتی ایالت مقیاسیده بیر کونلیک یاس ایتیب اعلان قیلدی.

اوشبو هجوم نینگ مسؤلیتینی پاکستان طالبانی (TTP) اوز بوینی گه آلرکن هجوم نینگ تشقی ایشلر وزیری بلاول بتو زرداری روسیه گه سفر اویوشتیرگن پیتده یوز بیریشی دقت تارتگندی.

سونگگی پیتلرده هجوملرینی کوپه یتیرگن پاکستان طالبانی 28 نوامبرده هم اجتماعی ترماق آرقه لی، 10 می تاریخیده اسلام آباد باشقرووی بیلن آلیب باریلگن آتشکیسین نینگ اداغگه ییتیب بارگن لیگینی و ایزداشلریگه اولکه مقیاسیده خوفسیزلیک کوچلریگه قره ته هجوم اویوشتیریش بویروغی بیرگن لیگینی بیلدیرگندی.

پاکستان باشقرووی پاکستان طالبانینی ترور تشکیلاتی ایتیب تن آلماقده.