تورک دولتلری تشکیلاتی عمومی منشی سی اوزبیکستان تشقی ایشلر وزیری بیلن اوچره شدی

اوشبو اوچره شوو نینگ مطبوعاتگه یاپیق بولیب اوتگن لیگی بیلدیریلدی

1936783
تورک دولتلری تشکیلاتی عمومی منشی سی اوزبیکستان تشقی ایشلر وزیری بیلن اوچره شدی

تورک دولتلری تشکیلاتی عمومی منشی سی قوبانیچ بیک عمر علی اف, اوزبیکستان تشقی ایش لر وزیری وظیفه سی نی بجروچی بختیار سعیدوف بیلن اوچره شدی.

ایرته گه بولیب اوته دیگن اقتصادی همکارلیک تشکیلاتی تشقی ایش لر وزیر لری ییغیلیشی گه اشتراک قیلیش اوچون تشریف بویورگن تاشکینت ده سعیدوف بیلن اوچره شدی. 

اوشبو اوچره شوو مطبوعاتگه یاپیق بولیب اوتدی. 

اوزبیکستان تشقی ایش لر وزیرلیگی تامانیدن بیریلگن بیاناتده, اوچره شووده تامان لرنینگ برچه ساحه لر بوییچه مناسبت لرنینگ یخشی ایکن لیگی سببلی خرسندچیلیک بیلدیرگن لیگی معلوم قیلیندی. 

مذکور تشکیلات نینگ میلادی 2022- ییل نوامبر آییده سمرقند ده گی رهبر لر ییغیلیشیده قیلینگن قرار لری نینگ تطبیق ایتیلیشی بوییچه پروسه نی بهالنتیرگن سعیدوف بیلن عمر علی اف, تشکیلات اعضاسی اولکه لر اورته سیده تجارتی- اقتصادی مناسبت لرنینگ کینگیتیریلیشی, تورک دولت لری تشکیلاتی منطقه سی نینگ ترانسپورت و ترانزیت ظرفیت لری دن فایده له نیلیشی, دیجیتال و یشیل اقتصاد ساحه لریده اورتاق پروژه لرنینگ عملگه آشیریلیشی, توریزم, تعلیم و تربیه و مدنیت ساحه سی بوییچه ایکّی تامانلمه همکارلیک لر حقیده گپیریشدی.

اوچره شووده تامان لر آره سیده گی مناسبت لر بیلن اوزبیکستان نینگ تشکیلات نینگ فعالیتی نینگ رواجلنتیریلیشی بیلن علاقه لی فعالیت پلانی حقیده بحث ایتگن لیک لری نی معلوم قیلگن عمر علی اف, میلادی 2022- ییلده سمرقند ده بولیب اوتگن تورک دولت لری تشکیلاتی رهبر لر ییغیلیشیده امضالنگن سمرقند اعلامیه سی بیلن باشقه حجت لرنینگ تطبیق ایتیلیشی بیلن علاقه لی موضوع لر توغریسیده گپلشگن لیک لری نی بیلدیردی. 



علاقه لی ینگی لیکلر