ایرانده ساووق هوا و قار سلبی تاثیر قالدیرگن وضعیتده

ایران نینگ بعضی بیر شهرلریده قار، ساووق هوا و تومن طفیلی مکتبلر تعطیل قیلیندی و بعضی بیر پروازلر توخته تیب قوییلدی.

ایران رسمی خبر آژانسی ایرنا خبر بیریشیچه، تهران ولایتی تعلیم باشقرووی قار، ساووق هوا و تومن طفیلی رودهن بیلن دماوندده مکتبلر تعطیل قیلگن.

شونده ی بولیب پایتخت تهرانده جایلشگن مهرآباد قونلغه سیده بعضی بیر پروازلر توخته تیب قوییلگن.

رضاوی خراسان ایالتی نینگ مشهد و بعضی بیر شهرلریده گی ایلک مکتبلر قاله ویرسه اردبیل ایالتی نینگ بعضی بیر منطقه لریده مکتبلر تعطیل قیلینگن.

رضاوی خراسان قیزیل آی باشقرووی تامانیدن بیریلگن بیاناتده، مشهدده کوچلی قار طوفانی طفیلی 1 مینگ اطرافیده واسطه نینگ یوللرده قالگن لیگی قوتقروو گروهلری نینگ 3 کیلومترلیک یول نی آچیب وطنداشلرگه یاردم ییتکیزیب بیرگن لیگی قید ایتیلدی.

ییتکچیلر اولکه نینگ شمال منطقه لریگه سیاحت قیله دیگن هیداوچیلرنی موز طفیلی تیز کیتمسلیکلری و مجبور قالمه گن تقدیرده یولگه چیقمسلیکلری بوییچه آگاهلنتیردی.