جمهور باشلیغی ایردوغان اوزبیکستان گه تشریف بیوره دی

تورکیه جمهور باشلیغی رجب طیب ایردوغان شنگهای همکارلیک گروهی جلسه سیگه قتنشیش اوچون ایرته گه اوزبیکستانگه تشریف بیوره دی.

اوزبیکستان جمهور باشلیغی شوکت میرضیایف نینگ دعوتی گه بناً جلسه گه قتنشه دیگن ایردوغان خوددی شو جلسه دایره سیده بیر قطار یوزمه یوز اوچره شوو اوتکزه دی.

جمهور باشلیغی ایردوغان جلسه بولیب اوته دیگن سمرقندده نهال ایکیش پروگرامی گه هم قتنشه دی. عین دمده «ابدی شهر» دیب اتلگن شهرنینگ ینگی قوریلگن منطقه لرینی کوریب چیقه دی و ایریم رهبرلر بیلن آقشم اوقاتی پروگرامی گه قتنشه دی.

ایردوغان کیینگی کونی جلسه نینگ آچیلیش مراسمی گه قتنشه دی و ایککینچی کونی صحبت عملگه آشیره دی.

اوشبو جلسه دایره سیده، روسیه دولت باشلیغی ویلادیمیر پوتین و چین دولت باشلیغی شی جینپینگ قاله ویرسه جلسه گه قتنشگن دولت ییتکچیلری بیلن بیر قطار اوچره شوو اوتکزیشی کوتیلماقده.

جمهور باشلیغی ایردوغان نینگ روسیه دولت باشلیغی پوتین بیلن بولیب اوته دیگن اوچره شووی نینگ اساسی موضوعی نینگ حبوبات کوریدوریدن عبارت ایکن لیگی معلوم قیلیندی.

اوشبو جلسه گه شنگهای همکارلیک گروهی اعضاسی روسیه، چین، قزاقستان، تاجکستان، پاکستان، هندوستان و اوزبیکستان بیلن بیر قطارده تشکیلات نینگ کوزه تووچی اعضاسی صفتیده بلاروس، موغلستان و ایران جمهور باشلیغلری بیلن میزبان جمهور باشلیغی شوکت میرضیایف نینگ دعوتی گه بناً تورکمنستان جمهور باشلیغی سردار بیردی محمداوف و خلق ارا تشکیلاتلر نماینده لری هم قتنشه دی.