یاش بلاول بوتو زرداری پاکستان نینگ تشقی ایش لر وزیری ایتیب تعینلندی

اوشبو مناسبت بیلن قسم یاد مراسمی بولیب اوتدی

1819629
یاش بلاول بوتو زرداری پاکستان نینگ تشقی ایش لر وزیری ایتیب تعینلندی

پاکستانده, ائتلافی حکومت ده گی پاکستان خلق حزبی نینگ رهبری بلاول بوتو زرداری, تشقی ایش لر وزیری ایتیب تعینلندی. 

اوشبو مناسبت بیلن قسم یاد مراسمی بولیب اوتدی. 

جمهوررئیسلیک بناسیده بولیب اوتگن مراسمده جمهوررئیس عارف علوی تامانیدن اوقیلگن قسم یاد متنی نی تکرارله گن زرداری, تشقی ایش لر وزیری اوله راق اوز وظیفه سی گه باشله دی.

خوددی شوو مراسمده باش وزیر شهباز شریف, زرداری نینگ آته سی پاکستان نینگ سابق جمهوررئیسی آصف زرداری و کابینه دن وزیر لر اشتراک ایتدی. 

آلدینگی باش وزیر لردن بیری بی نظیر بوتو نینگ اوغلی بولگن 33 یاشلی زرداری, اولکه تاریخی نینگ اینگ یاش تشقی ایش لر وزیری بولدی. 

بلاول بوتو زرداری, میلادی 2018- ییلده بولیب اوتگن سیلاوده بیرینچی مرته وکیل ایتیب سیلنگن ایدی. 

پاکستان پارلمانیده 10- اپریل کونی بولیب اوتگن رای گیرلیکده عمران خان حکومتی 174 منفی رای آلیشی آرتیدن قوله گن ایدی. 

اوچ مراتبه باش وزیر بولگن نواز شریف نینگ اوکه سی شهباز شریف, 11- اپریل کونی پارلمان ده 174 رای کسب ایتیب باش وزیر بولگن ایدی. 



علاقه لی ینگی لیکلر