ایردوغان اوزبیکستان سفری چوکاتیده تاریخی جایلرگه سفر اویوشتیردی
خیوه ده گی ایچان قلعه سی و ایریم تاریخی جایلرنی باریب کوردی
جمهور باشلیغی رجب طیب ایردوغان اوزبیکستان سفری چوکاتیده تورک اسلام تاریخی نینگ مهم مرکزلریدن بولمیش خیوه گه باردی.
جمهور باشلیغی ایردوغان توناون کونی اوزبیکستان نینگ پایتختی تاشکینتده گی رسمی اوچره شوولری نینگ آرتیدن هوا یولی آرقه لی اورگنج گه اوتیب باردی.
بو جایدن قتناو یولی آرقه لی تاریخی شهر بولمیش خیوه گه قره ب یول گه قوییلگن ایردوغان گه تورموش اورتاغی امینه ایردوغان، اوزبیکستان جمهور باشلیغی شوکت میرضیایف و تورموش اورتاغی زراعت میرضیااوه همراهلیک قیلدی.
ایککی دولت رهبری بیلن همراهیده گی هیئاتلرنینگ "ایچان قلعه سی" میدانیده بارگنده تورک عرف – عادتلریدن نمونه لر بیلن کوتیب آلیش مراسمی اوتکزیلدی.
ایردوغان بیلن میرضیایف ایچان قلعه سیدن پیاده یوروب منطقه ده گی ایریم تاریخی جایلرنی کیزیب کوردی.
بو جایده عجائب علاقه کورگن ایردوغان کیین اوزبیکستان جمهور باشلیغی میرضیایف تامانیدن ترتیبلنگن اوقات پروگرامی گه قتنشدی.
