ایران: سعودی عربستان بیلن دیپلماتیک مناسبت گه تیار میز

اوشبو توغریده ایران تشقی ایش لر وزیری بیانات بیردی

1758825
ایران: سعودی عربستان بیلن دیپلماتیک مناسبت گه تیار میز

ایران تشقی ایش لر وزیری حسین عبداللهیان, سعودی عربستان بیلن بولگن مذاکره لرنینگ یخشی اوتیاتگن لیگی نی بیلدیررایکن, "سعودی عربستان بیلن دیپلماتیک مناسبت لر گه تیارمیز" دییه قید ایتدی. 

اسپوتنیک نینگ بیرگن خبری گه کوره حسین امیر عبداللهیان, قطر مطبوعاتی بیلن قیلگن مصاحبه سیده, سعودی عربستان بیلن بولگن مذاکره لر حقیده معلومات بیرگن. 

ریاض رهبریتی بیلن بولگن مذاکره لر نینگ یخشی اوتیاتگن لیگی نی بیلدیرگن عبداللهیان, "سعودی عربستان بیلن دیپلماتیک مناسبت لر گه تیارمیز" دییه قید  ایتدی.

عبداللهیان, اوز سوز لری نی, "یقینده ایران نینگ اسلام همکارلیک تشکیلاتی نماینده لری سعودی عربستان نینگ جده شهری گه باره دی لر.  بو, ایککی تامانلمه مناسبت لرنینگ رواجلنتیریلیشی جهتی دن مهم بیر ینگیلیک دن عبارت" شکلیده دوام ایتتیردی.

ریاض رهبریتی نینگ منطقه مقیاسیده گی ینگیلیک لر باره سیده مذاکره اوتکزیلیشی نی طلب قیلیاتگن لیگی نی بیلدیرگن عبداللهیان, ایران نینگ هم منطقه ده گی مسئله لر گه اهمیت بیریاتگن لیگی نی ایسله تیب اوتدی. 

عبداللهیان, "منطقه مقیاسیده گی مسئله لرنینگ ییچیلیشی بوییچه سعودی عربستان, تورکیه و مصر بیلن همکارلیک و مذاکره لر گه اهمیت بیرماقده میز" دییه قید ایتدی. 

ایران تشقی ایش لر وزیری عبداللهیان,  اسرائیل بیلن مناسبت لری نی عادی لشتیریش گه قرار قیلگن منطقه اولکه لرینی ایسه آگاهلنتیردی. 

عبداللهیان, "قوشنی لری میز نی صهیونیست اسرائیل تیزیمی بیلن مناسبت لر نی یخشی لشتیریش گه قرار قیلمس لیک لری بوییچه آگاهلنتیره میز. بو جدی استراتژیک ینگلیشلیک دن عبارت. بو ینگلیشلیک نینگ منفی نتیجه سی دن تاثیرله نه دیگن تامان لر هم اوز لری بوله دی" دییه قید ایتدی. 



علاقه لی ینگی لیکلر