تاجکستان یوز مینگلب افغانستانلیک قاچقین نی قبول قیلیب آلیش قرارینی بیلدیردی

100 مینگ ته افغانستانلیک قاچقین نی قبول قیلیب آلیش اوچون تیارگرلیک کورگن لیگینی بیلدیردی

1679074
تاجکستان یوز مینگلب افغانستانلیک قاچقین نی قبول قیلیب آلیش قرارینی بیلدیردی

تاجکستان قوشنی مملکت افغانستانده خشونت حادثه لری نینگ تاباره آرتیب باریشی نتیجه سیده 100 مینگ ته افغانستانلیک قاچقین نی قبول قیلیب آلیش اوچون تیارگرلیک کورگن لیگینی بیلدیردی.

طالبان نینگ افغانستانده حاکمیت ساحه سینی کینگه یتیریب باریشی بیلن کوچ حادثه سی نینگ اوج آلیشی گه قرشی تاجکستان حرکت گه اوتدی.

تاجکستان عاجل وضعیتلر کینگش باشلیغی اورینباسری اما علی ابراهیمزاده اویوشتیرگن مطبوعاتی کنفرانسده چیگره حدودیده گی هاتلان و تاغلیک بدخشان ولایتلریده قاچقینلر اوچون تجهیزات دیپولش مقصدی بیلن ایککی ته بویوک دیپو قوریش گه باشله گن لیکلرینی تیلگه آلدی.

امریکا قوشمه ایالتلری 20 ییلدن بویان اوروش قیلگن افغانستاندن چیقیش گه باشله شی بیلن اولکه ده گی خشونت تاباره کوپه ییب باردی.

طالبان گروهی بیلن افغانستان خوفسیزلیک کوچلری اورته سیده تاباره آرتیب بارگن توقنه شوولر ینگی کوچ دالغه لریگه سبب بولدی.

امریکا قوشمه ایالتلری مدافعه وزیرلیگی (پینتاگون) نینگ تخمینلریگه کوره طالبان گروهی اولکه ده گی شهر مرکزلری نینگ یرمینی قولگه کیریتگن وضعیتده.

طالبان افغانستان نینگ شمالیده جایلشگن قندوز ولایتی بیلن تاجکستان اورته سیده گی شیرخان بندرنینگ کنترولینی 22 جونده قولگه کیریتیب آلگندی.

افغانستاندن می آییده چیقیش گه باشله گن امریکا قوشمه ایالتلری ایسه 11 سپتامبر هجوملری نینگ ییل لیگیدن آلدین برچه کوچلرینی اولکه دن چیقریب آلگن بولیشیدن خبر بیرگندی.  



علاقه لی ینگی لیکلر