هندوستان قندهار قونسلگرلیگیده گی دیپلمات لری نی چیقاردی
اوشبو توغریده هندوستان مطبوعاتیده خبر لر ترقه تیلدی
1673462
هندوستان مطبوعاتی حکومت مسئول لری گه تینتیریب بیرگن خبریده, منطقه ده اوروش لر نینگ کوپه یگن لیگی سببلی قندهار قونسلگرلیگیده گی تقریباً 50 دیپلمات بیلن مامور نینگ چیقاریلگن لیگی نی بیلدیردی.
مسئول لر, قونسلگرلیک پرسونلی نینگ هوا کوچ لری گه عاید بیر اوچاق بیلن توناون دهلی گه انتقال ایتتیریلگن لیگی نی معلوم قیلدی.
هندوستان تشقی ایش لر وزیرلیگی سوزچیسی آریندام باگچی بیرگن بیاناتیده, "هندوستان نینگ قندهار قونسلگرلیگی یاپیلمه دی" دییه قید ایتدی.
باگچی, قندهار ولایتی یقینیده گی ققشتگیچ اوروش لر سببلی قونسلگرلیکده وظیفه اجرا ایتیاتگن محلی پرسونل دن تشقری پرسونل نینگ حاضرچه منطقه دن چیقاریلگن لیگی نی معلوم قیلدی.
بونینگ اوتکینچی بیر قرار ایکن لیگی نی معلوم قیلگن باگچی, قونسگرلیک فعالیت لری نینگ محلی پرسونل بیلن دوام ایته دیگن لیگی نی بیلدیردی.
