تورکیه پارلمانی نینگ باشلیغی مصطفی شنتوپ ایرته گه پاکستان گه تشریف بویوره دی
اوشبو سفری چاغیده شنتوپ پاکستان جمهوررئیسی عارف علوی تامانیدن قبول قیلینه دی
تورکیه جمهوریتی پارلمانی نینگ باشلیغی مصطفی شنتوپ و اونینگ بیلن همراه لیک قیله دیگن هیئت اعضالری ایرته گه اوچ کونلیک بیر سفر بیلن پاکستان پایتختی اسلام آباد گه تشریف بویوره دی.
شنتوپ, اقتصادی همکارلیک تشکیلاتی پارلمنتر لر مجمع سی نینگ "منطقوی بیرلیک اوچون پارلمنتر همکارلیک نینگ قوللب- قوتله نیشی" عنوانی گه 2- عمومی کنفرانسی گه قتنشه دی.
مصطفی شنتوپ اوشبو کنفرانسده معروضه قیله دی.
شنتوپ, پاکستان ملی مجلسی نینگ باشلیغی اسد قیصر, پاکستان سناسی باشلیغی محمد صادق سنجرانی و افغانستان پارلمانی نینگ باشلیغی میر رحمان رحمانی و سفری نینگ اوچینچی کونیده ایسه آذربایجان ملی مجلسی نینگ باشلیغی صاحبه غفاروه بیلن اوچره شه دی.
شنتوپ, پاکستان جمهوررئیسی عارف علوی تامانیدن هم قبول قیلینه دی.
عینی دمده شنتوپ نینگ پاکستان باش وزیری عمران خان بیلن اوچره شه دیگن لیگی بیلدیریلدی.
