افغانستانده تینچیلیک بوییچه تاجیکستان, امریکا و افغانستان نینگ اشتراکی بیلن ییغیلیش بولیب اوتدی

اوچ اولکه نینگ تشقی ایشلر وزیرلیک لری تامانیدن اورتاق بیانات بیریلدی

1605047
افغانستانده تینچیلیک بوییچه تاجیکستان, امریکا و افغانستان نینگ اشتراکی بیلن ییغیلیش بولیب اوتدی

امریکا قوشمه ایالتلری, افغانستان و تاجیکستان افغانستانده تینچلیک نینگ اورنه تیلیشی باره سیده بیر ییغیلیش اوتکزدی.

ویدیوکنفرانس شکلیده بولیب اوتگن اوشبو ییغیلیش گه افغانستان تشقی ایش لر وزیری حنیف اتمر و تاجیکستانلیک کسبداشی سراج الدین مهرالدین بیلن بیر قطارده, امریکا قوشمه ایالتلری تشقی ایش لر وزیرلیگی نینگ سیاسی ایش لر بوییچه مشاوری دیوید هِل هم اشتراک ایتدی. 

اوچ اولکه نینگ تشقی ایشلر وزیرلیک لری تامانیدن اورتاق بیانات بیریلدی. 

بیاناتده, منطقه نینگ خوفسیزلیگی کبی اورتاق منفعت لر و افغانستان بیلن تاجیکستان اورته سیده گی همکارلیک لر باره سیده بحث ایتیلگن ییغیلیشده, افغانستانده حکومت بیلن طالبان اورته سیده دوام ایتیاتگن تینچلیک مذاکره لری توغریسیده هم سوز یوریتیلگن لیگی معلوم قیلیندی. 

بیاناتده, ییغیلیش اشتراکچی لری نینگ, اورته آسیا اولکه لری و خلق ارا جامعه نی افغانستان لیک لرنینگ میزبانلیگیده گی تینچلیک مذاکره لری نی قوللب قوتلش گه چقیرگن لیگی بیلدیریلدی. 

تاجیکستان بیلن افغانستان اورته سیده گی همکارلیک نینگ کوچه یتیریلیشی بوییچه سعی و حرکت لرنینگ آرتیریلیشی کیره ک ایکن لیگی بیلدیریلگن بیاناتده, امریکا قوشمه ایالتلری نینگ ایککی اولکه اورته سیده گی چیگره نینگ امنیتی بوییچه همکارلیک قیله دیگن لیگی معلوم قیلیندی. 

افغانستان بیلن تاجیکستان اورته سیده ینگی ترانسپورت یول لری نینگ آچیلیشی توغریسیده اوچره شوو لر بولیب اوته دیگن لیگی بیلدیریلدی. 

تاجیکستان بیلن افغانستان شرکت لری نینگ تجاری مناسبت لری نینگ رواجلنتیریلیشی نینگ هم ضرورت ایکن لیگی, امریکا قوشمه ایالتلری, تاجیکستان و افغانستان اورته سیده اوچ تامانلمه اقتصادی همکارلیک میکانیزمی نینگ قوریلیشی نینگ ریجه لنگن لیگی معلوم قیلیندی. 



علاقه لی ینگی لیکلر