ایرانده علی مطهری جمهور رئیسلیک سیلاویده کاندید ایکن لیگینی بیلدیردی

ایرانده نسبتاً محافظه کار دیب اتلگن و اولکه نینگ ایچکی و تشقی سیاستینی تنقید قیلیب بیاناتلرگن سابق مجلس باشلیغی اورینباسری علی مطهری 18 جونده بولیب اوته دیگن جمهور رئیسلیک سیلاویده کاندید ایکن لیگینی بیلدیردی.

1979 انقلابی نینگ نظریاتچیسی آیت الله مرتضی مطهری نینگ اوغلی و سابق مجلس باشلیغی اورینباسری علی مطهری پایتخت تهرانده اویوشتیرگن مطبوعاتی کنفرانسده جمهور رئیسلیک سیلاویده کاندید بولیش قراری قبول قیلیب آلگن لیگینی معلوم قیلدی.

مطهری اوزی نینگ بو اولکه نی اینگ یخشی شکلده باشقره دیگن دیب کورگن لیگینی ایتدی.

"اولکه نینگ وضعیتی کوزگه توتیب جمهور رئیسلیک سیلاویده کاندید بولیشیم کیره ک لیگینی بیلیب آلدیم" دیدی.

مطهری انقلاب دن 42 ییل اوتگن حالده عدالت و سوز ایرکین لیگی توغریسیده معقول سویه گه باریلمه گن لیگینی افاده ایتدی.

نسبتاً محافظه کار دیب اتلگن مطهری 2016-2019 ییللری آره سیده مجلس باشلیغی اورینباسری وظیفه سینی بجرگندی.

مطهری 2020 ییل سپتامبر آییده ارمنستان توپراقلری نینگ ارمنستان تامانیدن اشغالی سبب یوز بیرگن توقنه شوولر بیلن تیگیشلی اوله راق قیلگن بیر صحبتیده تشقی ایشلر وزیرلیگینی آذربایجان – ارمنستان توقنه شوویده "اتنیک قیغولر بیلن ارمنستان تامانینی قوللب – قوتله مه یشی" توغریسیده آگاهلنتیرگندی.

مطهری 12 فبروریده قتنشگن بیر پروگرامده اولکه سی نینگ تشقی سیاست ده گی ترجیحلرینی تنقید ایتیب عرب اولکه لری و امریکا قوشمه ایالتلری بیلن مناسبتلرنینگ رواجلنتیریلیشی کیره ک لیگینی ایتگندی.