ایردوغان تلفن آرقه لی روحانی بیلن سوزله شدی

تورکیه جمهوریتی جمهوررئیسی رجب طیب ایردوغان, تلفن آرقه لی, ایران جمهوررئیسی حسن روحانی بیلن سوزله شدی. 

جمهوررئیسلیک ارتباط لر ریاستی تامانیدن بیریلگن بیانات گه کوره, تورکیه بیلن ایران اورته سیده گی مناسبت لرنینگ کوچه یتیریلیشی بوییچه تشله نه دیگن قدم لر باره سیده بحث ایتیلگن صحبتده, منطقه مقیاسیده گی ینگیلیکلر هم بهالنتیریلدی. 

جمهوررئیس ایردوغان, ایران لیک عالم محسن فخری زاده نینگ اویوشتیریلگن منفور بیر هجوم عاقبتیده حیاتی نی یوقاتگن لیگی سببلی جوده خفه بولگن لیک لری نی بیلدیررایکن, قرداش ایران خلقی و فخری زاده نینگ عایله سی گه تسلیت بیلدیردی.

اوشبو هجوم نینگ اویوشتیریلگن وقتی گه دقت قره تگن ایردوغان, خوددی شوو حمله نینگ منطقه نینگ تینچلیک و برقرارلیگی گه قره تیلگن لیگی نی بیلدیررایکن, بیراق, منطقه ده برقرارسیزلیک نینگ حاکم بولیشی نی خواهله گن قرانغو محافل نینگ خیال لری نینگ ینه بیر مرته پوچ گه چیقه دیگن لیگی گه ایشانیاتگن لیگی نی معلوم قیلدی.

جمهوررئیس ایردوغان, تاغ لیک قاره باغ اختلافی ده ایسه ایندی ینگی دور نینگ باشله گن لیگی نی معلوم قیلرایکن, اوشبو دورده آذربایجان نینگ توپراق بوتونلیگی و حاکمیتی گه ضرر بیریشی ممکن بولگن هر خیل تشبث دن حساسیت بیلن واز کیچیلیشی نینگ فوق العاده اهمیت گه ایگه ایکن لیگی نی ایسله تیب, قالووچی تینچلیک و برقرارلیک نینگ تامین ایتیلیشی نینگ ینگی فرصت لرنینگ پیدا بولیشی گه سبب بوله دیگن لیگی, بونینگ ایسه ارمنستان داخل منطقه ده گی برچه اولکه لرنینگ منفعتی گه اویغون بوله دیگن لیگی نی بیلدیردی.