یوقاری مرتبه لی امریکالیک مقام: محسن فخری زاده نینگ اولیمی نینگ آرتیده اسرائیل تورگن

اوشبو یوقاری مرتبه لی مقام موضوع توغریسیده سی ان ان تلویزیونی بیلن مصاحبه قیلدی

1538670
یوقاری مرتبه لی امریکالیک مقام: محسن فخری زاده نینگ اولیمی نینگ آرتیده اسرائیل تورگن

امریکا قوشمه ایالتلری نینگ یوقاری مرتبه لی بیر مقامی, ایران نینگ هسته ای برنامه سی نینگ اینگ مهم کیشی لری دن بیری بولگن محسن فخری زاده نینگ اولدیریلیشی نینگ آرتیده اسرائیل تورگن لیگی نی ادعا ایتدی. 

امریکا نینگ سی ان ان تلویزیونی بیلن مصاحبه قیلگن و اسمی نی بیلدیرمه گن اوشبو کیشی, اسرائیل نینگ فخری زاده گه قرشی سوء قصد ترتیب له گن لیگی نی معلوم قیلدی. 

اوشبو کیشی, اسرائیل نینگ برچه عملیات لری بوییچه آلدین دن امریکا قوشمه ایالتلری گه معلومات بیره دیگن لیگی نی بیلدیردی.  بیراق, اوشبو حمله بوییچه اسرائیل نینگ امریکا گه معلومات بیرگن لیگی یاکه بیرمه گن لیگی توغریسیده هیچ قنده ی بیر بیانات بیرمه دی. 

اوشبو کیشی, ایران نینگ سوءقصد توغریسیده اسرائیل نی عیبله گن لیگی سببلی مذکور هجوم نینگ منطقه ده گی امریکالیک لر جهتی دن ریسک تشکیل ایتمه یدیگن لیگی نی بیلدیردی. 

ایران نینگ حاضرگه چه قاسم سلیمانی نینگ اوچی نی آلمه گن لیگی نی بیلدیرگن اوشبو امریکالیک مقام, سلیمانی نینگ اولیمی نینگ بیرینچی ییلی مناسبتی بیلن ایران نینگ بیر هجوم اویوشتیریشی بوییچه خواطرده ایکن لیک لری نی معلوم قیلدی. 

او, امریکا قوشمه ایالتلری نینگ, سلیمانی نینگ اولیمی نینگ بیرینچی ییلی بولگن 3 جنوری ده بیر هجوم کوتیاتگن لیگی نی بیلدیررایکن, بیراق دولت رهبری ایتیب سیلنگن جو بایدن نینگ قسم یاد قیلیش مراسمی گه فقط گینه ایککی هفته قالگن لیگی اوچون تهران نینگ قولیده گی امکانیت لرنینگ آز ایکن لیگی نی معلوم قیلدی. 

اوشبو امریکالیک مقام, ایران نینگ امریکا قوشمه ایالتلری کوچ لری یاکه وطنداش لری گه حمله سی نینگ, بایدن نینگ ایران هسته ای کیلیشووی گه قیتیشی بوییچه وعده سی نی قیین چیلیککه دوچ قیله دیگن لیگی نی بیلدیردی. 



علاقه لی ینگی لیکلر