سوریه مسئله سی بوییچه رهبر لر ییغیلیشی بولیب اوتدی

اوشبو ییغیلیش گه تورکیه, روسیه و ایران رهبر لری اشتراک قیلدی

1447093
سوریه مسئله سی بوییچه رهبر لر ییغیلیشی بولیب اوتدی
ASTANA 1.jpg

تورکیه جمهوریتی جمهوررئیسی رجب طیب اردوغان, "قوشنی میز سوریه ده زودلیک بیلن تینچلیک و برقرارلیک نینگ تامین ایتیلیشی اوچون قولی میزدن کیله دیگن سعی و حرکت لر نی قیلماقده میز" دییه قید ایتدی.

سوریه مسئله سی بوییچه, تورکیه, روسیه و ایران جمهوررئیس لری رجب طیب اردوغان, ولادیمیر پوتین و حسن روحانی نینگ اشتراکی بیلن ویدیوکنفرانس آرقه لی تورکیه-روسیه-ایران رهبر لر ییغیلیشی بولیب اوتدی. 

اوشبو رهبر لر ییغیلیشیده جمهوررئیس اردوغان, "تورکیه صفتیده اختلاف نینگ باشله گن کوندن بیری سوریه لیک قرداش لری میز نینگ یانیده اورین آلدیک.  ملیتی, عِرقی و عقیده سی گه قره مسدن میلیونلب سوریه لیک مهاجر نی بغری میز گه باسدیک" دییه قید ایتدی. 

سوریه نینگ ترور تشکیلات لری تامانیدن بولینمس لیگی اوچون حساسیت کورسه تیاتگن لیک لری نی بیلدیرگن جمهوررئیس اردوغان اوز سوز لری نی, "کیره ک بولگن تقدیرده, عملاً مداخله قیلیب بحران و بولووچی فعالیت لر نی توسیب قویدیک. قوشنی میز سوریه ده زودلیک بیلن تینچلیک و برقرارلیک نینگ تامین ایتیلیشی اوچون قولی میزدن کیله دیگن سعی و حرکت لر نی قیلماقده میز.  آستانه گرانتور لری اوله راق همکارلیگی میز, البته که بو اولکه نینگ کیله جگی نی هم انیقلب بیره دی" شکلیده دوام ایتتیردی. 

اوشبو رهبر لر ییغیلیشی آرتیدن جمهوررئیس لر تامانیدن اورتاق بیانات بیریلدی. 

بیاناتده, رهبر لر نینگ سوریه ده گی وضعیت باره سیده بحث ایتیب, ینه بیر بار اوچ تامانلمه همکارلیک میزانی نی آرتیریش گه قرار قیلگن لیگی بیلدیریلدی. 

رهبرلر, قوشنی اولکه لرنینگ ملی خوفسیزلیگی گه ضرر ییتکزه دیگن ایریلیقچی فعالیت لر گه مخالفت قیلیش بوییچه قرارلی ایکن لیک لری نی بیلدیردی. 

ادلب ده جایلشگن ناتینچلیک نی کمیتیریش منطقه سیده گی وضعیت باره سیده بحث ایتیلگن رهبر لر ییغیلیشیده, ادلب بیلن علاقه لی کیلیشوو لرگه رعایت قیلینیب ساحه ده تینچلیک نینگ تامین ایتیلیشی کیره ک ایکن لیگی معلوم قیلیندی. 

سوریه ده گی بحران نینگ سوریه لیک لر تامانیدن, بیرلشگن ملت لر تشکیلاتی ییتکچیلیگیده, سیاسی یولدن ییچیلیشی نینگ ممکن ایکن لیگی بوییچه ایشانچ بیلدیریلدی. 

اوچ رهبر, سوریه لیک مهاجر لرنینگ امنیتلی و کونگیللی بیر شکلده قیتیش لری نی قولَیلشتیریش و اولرنینگ حق لری نی محافظه قیلیش موضوعی توغریسیده توخته تیلیب اوتدی. 

فرقلی اقتصادی ساحه لرده اوز ارا همکارلیک نی کوچیتیریش نیتیده ایکن لیک لری نی هم بیلدیرگن رهبر لر, کیینگی ییغیلیش نینگ ایران جمهوررئیسی حسن روحانی نینگ دعوتی گه بناً قیسقه بیر مدت کیین ایران ده بولیب اوتیشی گه قرار قیلدی.



علاقه لی ینگی لیکلر