ایران ده کرونا ویروس سببلی یوزلب کیشی حیاتی نی یوقاتدی

اوشبو مطلب نی ایران ساغلیق نی سقلش وزیرلیگی نینگ سوزچیسی بیلدیردی

1381164
ایران ده کرونا ویروس سببلی یوزلب کیشی حیاتی نی یوقاتدی

ایران ساغلیق نی سقلش وزیرلیگی نینگ سوزچیسی کیانوش جهانپور, اولکه سیده کرونا ویروس سببلی هر 10 دقیقه ده بیر کیشی نینگ حیاتی نی یوقاتیاتگن لیگی نی معلوم قیلدی. 

جهانپور تویتر آرقه لی بیرگن بیاناتیده, "ایران ده هر 10 دقیقه ده بیر کیشی کرونا ویروس سببلی حیاتی نی یوقاتماقده. هر بیر ساعتده تقریباً 50 کیشی کرونا ویروس گه مبتلا بولماقده" دییه قید ایتدی. 

جهانپور, ایران لیک لرنی, نوروز بیرمی اوچون مسافرت قیلمسلیککه و هیچ کیمسه نی باریب کورمسلیککه چقیردی. 

عینی دمده, پایتخت تهران ده جایلشگن شهدای پاکدشت کسلخانه سی نینگ داکتر لری دن بیری بولگن شیرین روحانی راد کرونا ویروس سببلی وفات ایتدی. 

ایران ده کرونا ویروس نینگ پیدا بولگن کون دن بیری 10 داکتر و 4 نرس حیاتی نی یوقاتدی. 

ایران ده بیرینچی کرونا ویروس واقعه سی 19 فبروری ده قُم شهریده انیقلندی.  کیین ایسه ایران نینگ برچه شهر لری گه کینگ ترقه لیب کیتدی. 

ساغلیق نی سقلش وزیرلیگی, ایران ده کرونا ویروس سببلی 1135 کیشی نینگ وفات ایتگن لیگی نی بیلدیررایکن, واقعه سانی نینگ ایسه 17 مینگ 361 گه کوتریلیب کیتگن لیگی نی بیلدیردی. 



علاقه لی ینگی لیکلر