پاکستان طالبان گروهی نینگ باشچیسی شهریار مسعود افغانستانده اولدیریلدی

طالبان نینگ مسعود گروهی ییتکچیسی ایکن لیگی بیلدیریلدی.

پاکستان طالبان گروهی نینگ باشچیسی شهریار مسعود افغانستانده اولدیریلدی

پاکستان طالبانی (TTP) نینگ حکیم الله مسعود گروهی ییتکچیسی شهریار مسعود، یول کناریده جایلشتیریلگن ماین نینگ پارتله تیب یوباریلیشی عاقبتیده اولدیریلدی.

طالبان گروهیدن بیریلگن بیاناتده افغانستان نینگ کنر ولایتیده یول کناریده جایلشتیریلگن ماین نینگ مسعودنینگ موتری اوته یاتگن پیتده پارتله تیب یوباریلگن لیگی افاده ایتیلدی.

حادثه ده اولگن مسعودنینگ اورنیده اونینگ اورینباسری مولانا ولی محمدنینگ تعیین قیلینگن لیگی بیلدیریلدی.

طالبان گروهی نینگ حکیم الله مسعود گروهی باشچیلریدن سیف الله مسعود هم گروهدن اجره لیب کیتگن حقانی گروهی نینگ هجومی عاقبتیده 2019 –ییلی دسامبر آییده اولگن ایدی.

مسعود بیر سیس ثبت قیلیب بو گروه نینگ 2019 – ییل پاکستانده 75 هجوم اویوشتیرگن لیگینی ایتگندی.

پاکستان نینگ شمالی وزیرستان قوملریدن بیرته سی بولمیش مسعود قومی نینگ منسوبی بیت الله مسعود تامانیدن 2007 – ییلی قوریلگن پاکستان طالبان گروهی TTP، بوگونکی کونده سوات، مسعود، باجور و دره آدم خیل گروپلریگه اجره لیب کیتگن دیر.



علاقه لی ینگی لیکلر