ایرانده بیر کیشی امریکا اوچون جاسوس لیک قیلیش عیبلاوی بیلن اعدام گه محکوم ایتیلدی
ینه ایککی کیشی قماقخانه گه محکوم ایتیلگن.
ایرانده امریکا قوشمه ایالتلری اوچون جاسوس لیک قیلیش عیبلاوی بیلن اعدام گه محکوم ایتیلگن امیر رحیم پور آتیده گی کیشی نینگ اعدام جزاسی عالی سود تامانیدن قبول بولیب حکم بیریلدی.
ایران قضا اداره سی سوزچیسی غلام حسین اسماعیلی، پایتخت تهرانده اویوشتیرگن مطبوعاتی کنفرانسده "امریکا قوشمه ایالتلری خبرلشوو تشکیلاتی (CIA) اوچون جاسوسلیک قیلیش و ایران نینگ هسته ای قورال فعالیتلری حقیده امریکا قوشمه ایالتلری نینگ استخبارات اداره لریگه معلومات بیریش عیبلاوی بیلن امیر رحیمی گه بیریلگن اعدام جزاسی قراری عالی سود تامانیدن قبول بولیب چیقدی" دیدی.
اسماعیلی عین دمده انسانی یاردم جمغرمه لریده فعایلت قیلووچی ینه 2 کیشی نینگ امریکا قوشمه ایالتلریگه جاسوسلیک عیبلاوی بیلن هر بیری نینگ 15 ییل قماققه محکوم ایتیلگن لیگینی بیلدیردی.
بو ایککی کیشی نینگ "امریکا قوشمه ایالتلری گه معلومات بیریش، جاسوس لیک و ملی خوفسیزلیک که قرشی فعالیت قیلیش" عیبلاوی بیلن جزا آلگن لیگینی معلوم قیلگن اسماعیلی، بو کیشی لرنینگ کیملیکلری توغریسیده معلومات بیرمه دی.
ایران استخبارات وزیرلیگی 2019 – ییلی جولای آییده بیرگن بیاناتیده امریکا قوشمه ایالتلری اوچون جاسوسلیک قیلگن 17 کیشی نینگ قماقده ایکن لیگینی خوددی شولردن بیر قطاری نینگ اعدام جزاسی گه محکوم ایتیلگن لیگینی بیلدیرگندی.
