اوزبیکستان عالی مجلسی عبدالله عاریپوف نی باش وزیر ایتیب تصدیقله دی

ینگی کابینه نینگ تشکیل ایتیلیشی اوچون حکومت استعفا ایتگن ایدی

اوزبیکستان عالی مجلسی عبدالله عاریپوف نی باش وزیر ایتیب تصدیقله دی

اوزبیکستان ده, 2019- ییل 22 دسامبر ده بولیب اوتگن سیلاو لر آرتیدن ینگی کابینه نینگ تشکیل ایتیلیشی اوچون استعفا ایتگن عبدالله عاریپوف قیته باشدن باش ایتیب تصدیقلندی. 

پارلمان نینگ ایککی اتاقی نینگ بولیب اوتگن اورتاق ییغیلیشده ینگی باش وزیرلیک کاندیدی بیلن علاقه لی بحث ایتیلدی.    

جمهوررئیس شوکت میرضیایف نینگ هم اشترک ایتگن ییغیلیشده پارلمان نینگ بیر قسمی بولگن قانونچیلیک مجلسیده 53 کرسی کسب ایتگن لبرال دموکرات حزبی نینگ باش وزیرلیک کاندیدی عبدالله عاریپوف نینگ کاندیدلیگی باره بحث قیلیندی.

جمهوررئیس میرضیایف, عاریپوف نینگ باش وزیر بولیشی نی آرزو قیلیاتگن لیگی نی معلوم قیلرایکن, وکیل لرنینگ عاریپوف نی قوللب- قوتله شی نی طلب ایتدی. 

اوشبو ییغیلیشده عبدالله عاریپوف قیته باشدن اوزبیکستان باش وزیری ایتیب تصدیق لندی. 

موجود قانون لر گه کوره, عمومی سیلاو لر ده غلبه قازانگن حزب, باش وزیرلیک کاندیدی نی انیقلب تصدیق له نیشی اوچون جمهوررئیس گه تقدیم ایتیش حقی گه ایگه بوله دی. 

جمهوررئیس هم کاندید نی تصدیق له شی آرتیدن اوشبو خصوصده ییغیلیش اوتکزیش اوچون موضوع نی پارلمان گه تقدیم ایته دی. 

کاندید نینگ باش وزیر بوله آلیشی اوچون پارلمان اعضا لری نینگ یریمی دن آرتیق بیر قسمی نینگ حمایه سی نی کسب ایتیشی کیره ک.   

اوزبیکستان ده 2019- ییل 22 دسامبر ده بولیب اوتگن عمومی سیلاو نتیجه سیده پارلمان ده لبرال دموکرات حزبی 53 کرسی کسب ایترایکن, ملی یوکسلیش حزبی 36, "عدالت" سوسیال دموکرات حزبی 24, خلق دموکرات حزبی 22 و اوزبیکستان ایکولوژی حزبی ایسه 15 کرسی گه ایگه بولدی. 

عبدالله عاریپوف 2016 – ییل دسامبر آیی دن بیری اوزبیکستان ده باش وزیرلیک وظیفه سی نی بجریب کیلماقده. 



علاقه لی ینگی لیکلر