ایران ده رژیم گه قرشی مظاهره لر دوام ایتماقده

اوشبو مظاهره لر جریانیده اوکراین نینگ یولاوچی طیاره سی نی اوریب توشیرگن کیشی لرنینگ جزالنتیریلیشی طلب ایتیلدی

ایران ده رژیم گه قرشی مظاهره لر دوام ایتماقده

ایران پایتختی تهران ده اوکراین نینگ یولاوچی اوچاغی نینگ اوریب توشیریلیشی گه عکس العمل کورسه تیش مقصدی بیلن ناراضی چیلیک نمایش لری دوام ایتماقده. 

تهران عالی بیلیم یورتی اوقووچی لری تامانیدن اویوشتیریلگن اوشبو مظاهره لرده اوچاق نینگ اوریب توشیریلیشی گه سبب بولگن کیشی لرنینگ جزالنتیریلیشی و مسئول لرنینگ استعفا ایتیشی طلب ایتیلدی. 

امریکا قوشمه ایالت لری تامانیدن اولدیریلگن انقلاب محافظ لری اردوسی نینگ قدس کوچی قوماندانی قاسم سلیمانی نی ایسلش مراسمی بیلن بیر وقت نینگ اوزیده بولگن اوشبو مظاهره لرده, "خلققه 3 کون یلغان ایتدی لر", "خلق نینگ قوتیلیش یولی رفراندوم", "عدالت ایستیمیز", "کفایت سیز مسئول لر استعفا ایتسین", "نوامبر آییده 1500 کیشی نی اولدیردی لر", "مینی فتنه چی دیمه. فتنه چی سینینگ اوزینگ سن ظالم", "قوراللی کوچ لری قوماندانی (خامنه ای) استعفا ایتسین", "امریکا گه اولیم" شکلیده شعار بیریلدی. 

عینی دمده پایتخت تهران و باشقه کوپلب شهر لرده کیچقرون هم انسان لر ناراضی چیلیک نمایش لری گه اشتراک ایتیش گه چقیریلدی. 



علاقه لی ینگی لیکلر