ایران ده اونلب کیشی قولگه آلیندی

اوشبو کیشی لر مظاهره لر بیلن علاقه لی قولگه آلینگن

ایران ده اونلب کیشی قولگه آلیندی

ایران استخبارات وزیرلیگی, خوزستان ولایتیده پطرول نرخی نینگ آرتیریلگن لیگی بیلن علاقه لی بولیب اوتگن مظاهره لر گه تیگیشلی 79 کیشی نینگ قولگه آلینگن لیگی نی بیلدیردی. 

ایران نشراتی اورگان لری, استخبارات وزیرلیگی نینگ, "نمایش لر جریانیده دولت اداره لری و خصوصی جای لر گه ضرر بیرگن 79 کیشی, فرقلی سلاح و مهمات بیلن قولگه آلیندی" دییه قید ایتگن لیگی نی معلوم قیلدی. 

عینی دمده بیاناتده, اوشبو کیشی لرنینگ بصره کورفزی بیلن چیگره داش بولگن بیر اولکه ده تعلیم آلگن لیگی ادعا ایتیلدی. 

امریکا قوشمه ایالتلری نینگ تحریم لری نینگ هم تاثیری بیلن اقتصادی جهت دن کتته قیین چیلیککه دوچ کیلیب قالگن ایران خلقی, 15 نوامبر کونی پطرول نرخی نینگ 3 قَوَت گه آرتیریلگن لیگی نینگ بیلدیریلشی آرتیدن کوپلب شهرلرده ناراضی چیلیک نمایش لری اوتکزدی.  

اوشبو ناراضی چیلیک نمایش لری جریانیده, دولت اداره لری, بانک لر, پمپ استیشن لر و مارکیت لر گه ضرر بیریلگن ایدی. 

ایران مقام لری تامانیدن ناراضی چیلیک نمایش لری جریانیده جان بیرگن, یره لنگن و قولگه آلینگن کیشی لر سانی حقیده رسمی بیانات بیریلمس ایکن, خلق ارا عفو تشکیلاتی ایسه اوشبو نمایش لر جریانیده کمیده 161 نفر نینگ هلاک بولگن لیگی نی بیلدیردی. 



علاقه لی ینگی لیکلر