ایران, فارس تیلیده کورستوو آلیب باریاتگن تلویزیون نینگ پرسونلی نی تحریم قیلدی

ایران اوشبو تلویزیون نینگ زوره وانلیک قیلگن نمایشچی لرنی تشویق ایتگن لیگی اوچون تحریم گه قرار قیلگن

ایران, فارس تیلیده کورستوو آلیب باریاتگن تلویزیون نینگ پرسونلی نی تحریم قیلدی

ایران, زوره وانلیک قیلیاتگن نمایشچی لر نی تشویق ایتیاتگن لیگی سببلی انگلستان پایتختی لندن ده فارس تیلیده کورستوو لر آلیب باریاتگن ایران انترنشنل نینگ مهم مسئول لری نینگ ایران ده گی سرمایه لری نی تونگنه تیب قویدی. 

ایران قضایی اورگان لری تامانیدن بیریلگن بیاناتده, غربی اولکه لر بیلن منطقه ده گی بعضی رژیم لر تامانیدن قوللب- قُوَتله نیاتگن لیگی ادعا ایتیلگن اوشبو تلویزیون نینگ, زوره وانلیک قیلیاتگن نمایشچی لر نی تشویق قیلگن لیگی و ایران ده تحریک ایتووچی و بولووچی فعالیت لر قیلیاتگن لیگی بیلدیریلدی. 

امریکا قوشمه ایالتلری نینگ تحریم لری نینگ هم تاثیری بیلن اقتصادی جهت دن کتته قیین چیلیککه دوچ کیلیب قالگن ایران خلقی, 15 نوامبر کونی پطرول نرخی نینگ اوچ قَوَتگه آرتیریلیشی آرتیدن اولکه نینگ کوپلب جای لریده مظاهره گه باشله گن ایدی. 

اوشبو ناراضی چیلیک نمایش لری جریانیده کوپلب شهرلرده دولت بنا لری, بانک لر, پمپ استیشن لر و مارکیت لر تخریب ایتیلگن ایدی. 

خلق ارا عفو تشکیلاتی, اوشبو ناراضی چیلیک نمایش لری جریانیده 143 کیشی نینگ اولگن لیگی نی بیلدیرگن ایدی. 



علاقه لی ینگی لیکلر