تورکیه:  ینه هم کوپراق اوزبیک یاش لر نینگ تورکیه ده اوقیشی کیره ک

تورکیه جمهوریتی نینگ چیت ایللرده گی تورک لر و قرینداش جمعیت لر اداره سی نینگ باشلیغی عبدالله اره ن, اوزبیکستان دن ینه هم کوپراق اوزبیک یاش لرنینگ کیلیب تورکیه ده اوقیشی کیره ک ایکن لیگی نی معلوم قیلدی. 

اره ن و اونینگ بیلن بیرگه کیتگن هیئت اعضا لری, پایتخت تاشکنت ده اوزبیکستان عالی تعلیم وزیری انعام مجیدوف تامانیدن قبول قیلیندی. 

قبولده, اوزبیک وزیرگه تورکیه بورسیه لری حقیده معلومات بیرگن اره ن, تعلیم و تحصیل بوییچه اوزبیکستان بیلن بولگن مناسبت لرنی ینه ده رواجلنتیریش نی آرزو ایتیاتگن لیک لری نی بیلدیررایکن, تورکیه ده 170 اولکه دن 170 مینگ اوقووچی نینگ اوقیاتگن لیگی نی معلوم قیلدی. 

اوشبو اوقووچی لردن 16 مینگ نفری نینگ تورکیه بورسیه لریدن فایده له نیب تحصیل آلیاتگن لیک لری نی بیلدیردی. 

اره ن, کیله جک ییل لرده عالی تعلیم وزیرلیگی نینگ همکارلیگی بیلن بورسیه دن فایده له نیب تورکیه ده اوقیدیگن اوزبیک یاش لر نینگ سانی نی آرتیریش نی ریجه لیاتگن لیک لری نی معلوم قیلدی. 

عبدالله اره ن, حاضرگی کونده هم تورکیه ده بیر مینگ دن آرتیق اوزبیک اوقووچی نینگ تحصیل آلیاتگن لیگی نی معلوم قیلرایکن, اوشبو یاش لر دن 150 نفری نینگ تورکیه بورسیه سیدن فایده له نیاتگن لیگی نی بیلدیردی. 

اره ن, "دوست و قرداش اولکه اوزبیکستان دن ینه ده کوپراق یاش لرنینگ تورکیه گه کیلیب اوقیشی نی آرزو قیلماقده میز" دییه قید ایتدی. 

مجیدوف ایسه, تورکیه بورسیه لری نینگ جهان بویلب مهم بیر امکانیت دن عبارت ایکن لیگی نی بیلدیررایکن, اوزبیک یاش لر نینگ تورکیه ده تحصیل آلیش نی آرزو قیلیاتگن لیک لری نی ایسله تیب اوتدی. 

اوچره شوو دایره سیده اوزبیکستان بیلن تورکیه نینگ تحصیل توغریسیده همکارلیک ایتیش لری بوییچه کیلیشلیب آلیندی.