بابُری مسجدی توغریسیده گی قرار آرتیدن اونلب کیشی نظارت آستیگه آلیندی

هندوستان ده اوشبو موضوع اوزاق ییل لردن بیری مسلمان لر بیلن هندو لر اورته سیده تارتیشوو گه سبب بولماقده

1303996
بابُری مسجدی توغریسیده گی قرار آرتیدن اونلب کیشی نظارت آستیگه آلیندی

هندوستان ده بابری مسجدی نینگ ییری بیلن علاقه لی دعوا ده, هندو لرنینگ فکری گه اویغون قرار قیلینیشی آرتیدن اجتماعی ترماق آرقه لی تحریک ایتووچی سوز لردن فایده له نیب ایالت ده گی اجتماعی بیرلیککه ضرر بیرگن لیگی سببلی نظارت آستیگه آلینگن کیشی لر نینگ سانی 77 نفر گه کوتریلیب کیتدی. 

خوفسیزلیک کوچ لری, اولکه نینگ اینگ کوپ نفوس گه ایگه و مسلمان لرنینگ کوپچیلیک نی تشکیل ایتیاتگن اوتار پرادش ایالتیده, کوپلب کیشی نینگ مسجد توغریسیده گی قرار آرتیدن اویغون بولمه گن نرسه لر نی اجتماعی ترماق آرقه لی ترقتگن لیک لری نی بیلدیردی. 

ایالت پولیسی, شنبه و یکشنبه کونی 8 مینگ 275 اجتماعی ترماق فایده لَنووچی سی نینگ تیکشیریلگن لیگی و شونده ی قیلیب تحریک ایتووچی نرسه لر ترقتگن 77 کیشی نینگ نظارت آستی گه آلینگن لیگی نی معلوم قیلدی. 

هندوستان عالی محکمه سی, مسلمان لر بیلن هندو لر اورته سیده دوام ایتیب کیلیاتگن بابری مسجدی ییری بیلن علاقه لی دعوا ده هندو لرنینگ فکری گه اویغون حکم قیلگن ایدی. 

محکمه نینگ قراریده, اوشبو ییر نینگ معبد قوریلیشی اوچون بیر هیئت گه تاپشیریله دیگن لیگی, 5 مینگ مترلیک بیر قسمی نینگ ایسه مسلمان لر گه بیریله دیگن لیگی بیلدیریلگن ایدی. 

تاریخی ایودیا شهریده, اوتمیشده بابری مسجدی نینگ موجود بولگن ساحه, اوزاق ییل لردن بیری هندو لر بیلن مسلمان لر اورته سیده تارتیشوو گه سبب بولیب کیلگن ایدی. 

افراطی هندو لر, مسلمان لرنینگ 16 – عصرده هندو قرال راما اوچون قوریلگن معبد نی ویران قیلیب اورنیگه مسجد قورگن لیک لری نی ادعا ایتماقده ایدی. 

"بابری مسجدی نینگ اورین آلگن ساحه ده راما معبدی نینگ بولگن لیگی" ادعا سی, بیرینچی مرته 1853 – ییلده محکمه گه بیلدیریلرایکن, اوشبو مطلب اوشه دور نینگ انگلیس مستعمره سی رهبریتی تامانیدن رد ایتیلگن ایدی. 

افراطی هندو لر, 1992- ییل دسامبر آییده, بابری امپراطورلیگی دوریده قوریلگن بابری مسجدی نی ویران قیلگن ایدی. 

اوشبو مسجد نینگ ویران قیلینیشی هندوستان ده ناراضی چیلیک نمایش لری نینگ باشلب کیتیشی گه سبب بولرایکن, اوشبو مظاهره لر جریانیده تقریباً 2 مینگ کیشی جان بیرگن ایدی. 



علاقه لی ینگی لیکلر