هندوستان ده کوچلی یاغینگرچیلیک نتیجه سیده اونلب کیشی هلاک بولدی

اوشبو مطلب نی هندوستان نینگ نشراتی اورگان لری بیلدیردی

1278598
هندوستان ده کوچلی یاغینگرچیلیک نتیجه سیده اونلب کیشی هلاک بولدی

هندوستان نینگ فرقلی ایالتلریده یاغگن یامغیر 120 کیشی نینگ اولیمی گه سبب بولدی. 

محللی نشراتی اورگان لر, اوتار پرادش ایالتیده 79, بیهار ایالتیده 25, اوتاراکند, مادیا پرادش و راجستان ایالت لریده 13 و گجرات ده ایسه 3 کیشی نینگ هلاک بولگن لیگی نی معلوم قیلدی. 

مسئول لر, بیهار ایالتیده گی یاغینگرچیلیک سببلی 13 ریل نینگ حرکتی نینگ توخته تیلیب قویلگن لیگی نی بیلدیردی. 

اوتار پرادش ایالتی باش وزیری یوگی ادیانات, جان بیرگن کیشی لرنینگ عایله اعضا لری گه تسلیت بیلدیررایکن,  قربان لرنینگ وارث لری گه تقریباً 5 مینگ 8 یوز دالر تضمینات توله نه دیگن لیگی نی معلوم قیلدی. 

مسئول لر, ایککی کون آلدین بیرگن بیانات لریده, اوتار پرادش ایالتیده سونگگی بیر هفته ده یاغینگرچیلیک و سیل عاقبتیده 59 کیشی نینگ جان بیرگن لیگی نی بیلدیرگن ایدی. 

منطقه ده بوگون دن باشلب یامغیرلر نینگ کمییشی کوتیلماقده. 



علاقه لی ینگی لیکلر