پاکستانده ایککی ریل نینگ توقنه شیشی عاقبتیده اونلب کیشی اولیب یره لندی
یوک ریلی بیلن یولاوچی ریلی نینگ توقنه شیب کیتگن لیگی بیلدیریلدی
پاکستانده یوک ریلی بیلن یولاوچی ریلی نینگ توقنه شیب کیتیشی عاقبتیده 18 کیشی اولیب 67 کیشی یره لندی.
بلوچستان ایالتی نینگ پایتختی کویته دن پنجاب ایالتی نینگ پایتختی لاهورگه قره ب باراتگن ریل نینگ صادق آباد شهریده اوز تیمیر یولیدن چیقیب ایریم یولده گی یوک ریلی گه باریب اورگن لیگی بیلدیریلدی.
اوشبو توقنه شیش بیلن تورت واگون نینگ یولدن چیقیب کیتگن لیگی بو واگونلرنینگ ایچیدن 18 کیشی نینگ جسدی نینگ چیقریلگن لیگی معلوم قیلیندی.
پولیس مسؤللریدن عمر فاروق سلامت، عین دمده 11 ته سی باله، 9 ته سی خاتین – قیز توپلم 67 کیشی نینگ یره لنگن لیگینی بیان ایتدی.
پاکستان تیمیر یوللری وزیری شیخ راشید احمد، حادثه نینگ هیداوچی نینگ خطاسی باعث یوز بیرگن لیگینی بیلدیردی.
بو حادثه بیلن علاقه لی تیکشیروو باشله تیلگن لیگینی معلوم قیلیب، اولگنلرنینگ عایله لریگه 1،5 میلیون روپه، آغیر یره لنگنلرگه 500 مینگ روپه و ایریم یره لی لرگه 200 مینگ روپه بیریله جگینی قید ایتدی.
پاکستان باش وزیری عمران خان اجتماعی ترماق آرقه لی "صادق آبادده یوز بیرگن ریل حادثه سی اچیق خبرینی ایشیتدیم. اولگنلرنینگ عایله لریگه تسلیت، یره لی لرگه عاجل شفا تیله یمن. تیمیر یول وزیری گه اوزاق ییللردن بیری قره لمه گن تیمیر یوللرنینگ تیکشیرووی اوچون بویروق بیردیم" دیب ایتگن.
علاقه لی ینگی لیکلر
ایرانلیک قوشیقچی ینه اعدام گه محکوم قیلیندی
آلدین اوشبو قوشیقچی نینگ اعدام حکمی قماق جزاسی گه ایلنتیریلگن ایدی