پاکستان ده بیر انفجار عاقبتیده کوپلب کیشی جان بیردی و یره لندی
اوشبو حادثه بلوچستان ایالتی نینگ مرکزی کویته ده یوز بیردی
1207609
پاکستان ده جمعه نمازی اوقیلیاتگن پیتده مسجد نینگ ایچیده انفجار حادثه سی یوز بیردی.
آلینگن ایلک معلومات لر گه کوره, اوشبو حادثه عاقبتیده ایککی کیشی جان بیررایکن, کمیده 15 نفر ایسه یره لنگن.
یره لنگن کیشی لردن 3 نفری نینگ ساغلیق وضعیتی نینگ یمان ایکن لیگی بیلدیریلدی.
محللی مطبوعات تامانیدن بیریلگن خبر لرگه کوره, بلوچستان ایالتی نینگ مرکزی کویته نینگ پشتون آباد منطقه سیده گی اوشبو حادثه رحمانیه مسجدی نینگ ایچیده جمعه نمازی اوقیلیاتگن پیتده یوز بیرگن.
اوشبو حادثه نینگ یوز بیرگن پیتده مسجدده کمیده 40 کیشی نینگ موجود ایکن لیگی بیلدیریلدی.
خوددی شوو حادثه نینگ مسئولیتی نی ایسه حاضرچه هیچ بیر تامان اوز بوینی گه آلگن ایمس.
