ایرانده ملی اردو کونی مناسبتی بیلن عسکری اوتیش مراسمی اجرا ایتیلدی

ایران قوراللی کوچلری "ملی اردو کونی" مناسبتی بیلن مملکت مقیاسیده عسکری رسمی اوتیش مراسملری اوتکزدی.

18 اپریل ملی اردو کونی مناسبتی 1979 انقلاب رهبری آیت الله روح الله خمینی نینگ پایتخت تهرانده جایلشگن مقبره سی نینگ آلدیده جمهور باشلیغی حسن روحانی و یوقاری سویه لی عسکری مقاملرنینگ اشتراکی بیلن عسکری رسمی اوتیش مراسمی اویوشتیریلدی.

روحانی بوجایده گی صحبتیده، امریکا قوشمه ایالتلری و اسرائیل نینگ منطقه نینگ برقرالیگینی برهم اورگنینی معلوم قیلدی.

روحانی "منطقه نینگ خلقلری عصرلب بیرگه لیکده یشه دیلر و هیچ معما یوز بیرمه دی. قرینداش کبی یشه دیلر و قوشنی لیک حقوقینی رعایت قیلدیلر. اگر بوگون بیر پرابلم بولسه بونینگ سببی اسرائیل و امریکا قوشمه ایالتلری امپریالیزمی دیر" دیدی.

امریکا قوشمه ایالتلری نینگ منطقه اولکه لری نینگ کوچلی بولیشی گه مخالف ایکن لیگینی تیلگه آلگن روحانی، امریکا قوشمه ایالتلری تسلیم بولمه گن حاکمیتلری گه بویین ایگمه گن کوچلرنی سیومه یدی. کیلینگ بیرگه لیکده حرکت ایتیب منطقه ده گی اشغالچیلرنی تمیزله یلین" دیب چیقردی.

پایتخت تهرانده گی مراسم بیلن همزمان ایران نینگ ایریم ولایتلریده و بصره کورفزیده هم عسکری اوتیش مراسمی اجرا ایتیلدی.

امریکا قوشمه ایالتلری دولت باشلیغی دونالد ترامپ، 8 اپریلده ایران انقلاب محافظلری اردوسی نینگ امریکا قوشمه ایالتلری نینگ خارجی ترور تشکیلاتیلری رویخطی گه کیریتلگنینی بیان ایتگن ایدی. ایران ملی خوفسیزلیک عالی شوراسی هم بونگه قرشی امریکا قوشمه ایالتلری مرکز کوچلر قومندانلیگینی (CENTCOM) ترور تشکیلاتلری رویخطی گه کیریتگنینی بیان ایتگن ایدی.