پاکستان ده کوپلب کیشی هلاکتگه اوچره دی
اوشبو کیشی لر سوو تاشقینی عاقبتیده جان بیرگن

پاکستان نینگ غربیده, کوچلی طوفان و یامغیر لر آرتیدن باشلب کیتگن سوو تاشقین لری عاقبتیده آلتی کیشی هلاک بولدی.
اوشبو هلاک بولگن کیشی لردن بیری نینگ یاش بیر باله دن عبارت ایکن لیگی بیلدیریلدی.
مسئول لر, خیبر پشتونخوا ایالتیده اوشبو حادثه عاقبتیده کوپلب اوی نینگ خساره مند بولگن لیگی و ایالت نینگ ایریم منطقه لریده برق لین لری نینگ اوزیلیب قالگن لیگی نی بیلدیررایکن, حاضر ایسه وضعیت نینگ کنترول آستی گه آلینگن لیگی نی معلوم قیلدی.
عینی دمده مسئول لر, اوشبو حادثه عاقبتیده 6 کیشی نینگ جان بیرگن لیگی و کوپلب کیشی نینگ ایسه یره لنگن لیگی نی بیلدیردی.
نیوز انترنشنل تامانیدن بیریلگن خبرده هم, منطقه ده توناوکون کیچقرون یامغیر لر سببلی ایریم شهر لرنینگ کوچه لریده سوو تاشقینی حادثه سی نینگ کورینگن لیگی بیلدیریلدی.
ایالتده 50 دن آرتیق کیشی نینگ یره لنگن لیگی بیلدیریلگن خبرده, طوفان سببلی پشاور و تیگره گیده گی منطقه لرده ایریم اوی لرنینگ تامی نینگ اوستی و دیوار لری نینگ قولب کیتگن لیگی معلوم قیلیندی.