پاکستان - ایران چیگره سیگه سیم دیوار اورنه تیله دی

افغانستان حدودی گه جالی سیم اورنه تیلگن لیگی بیلدیریلدی

پاکستان - ایران چیگره سیگه  سیم دیوار اورنه تیله دی

پاکستان اردوسی جنوبی کوچلر قومدانی جنرال عاصم سلیم بجوا، 950 کیلو مترلیک ایران – پاکستان چیگره سیگه کیلگوسی هفته دن باشلب  سیم دیوار اورنه تیش گه باشلنه جگینی بیان ایتدی.

کویته ده بیر جلسه ده گپیرگن بجوا، حدود اداره سی و خوفسیزلیگی نینگ پاکستان نینگ بلوچیستان ایالتی قاله ویرسه مملکت نینگ امنیتی جهتیدن اهمیت گه سزاوار ایکنینی ایتدی.

افغانستان چیگره سیگه هم  سیم دیوار اورنه تیلگن لیگینی بیلدیرگن بجوا، 370 کیلو مترلیک بیر بولیم نینگ نهائی بولگن لیگینی کیلگوسی هفته ایسه 950 کیلو مترلیک ایران پاکستان حدودی گه  سیم دیوار اورنه تیش ایشلری نینگ باشلشینی خبر بیردی.

فبروری آییده ایران انقلاب محافظلری گه قره ته اویوشتیریلگن ترورچیلیک هجومی نینگ آرتیدن پاکستان، ایران تامانیدن حدود خوفسیزلیگینی تامین ایتالمه گن لیگی بیلن تیگیشلی تنقید ایتیلگن ایدی.

ایران، مملکتده ترورچیلیک هجومی اویوشتیرگن تشکیلاتلرنینگ پاکستانده یشینگن لیگینی ادعا ایتگن ایدی.

اوتگن پاکستانده گی خارجی میدیا نماینده لری بیلن اوچره شگن پاکستان اردوسی سوزچیسی آصف غفور، افغانستان – اران – پاکستان چیگره لریگه  سیم دیوار اورنه تیله جگینی ایتگن ایدی. 



علاقه لی ینگی لیکلر