پاکستان بیر قطار مملکت اوچون الکترونیک ویزه تیزیمینی عملی قیلیب باشله دی

پاکستان، 175 مملکت تبعه لری اوچون 7 الی 10 کون جریانیده نتیجه بیره دیگن الکترونیک ویزه e-visa تیزیمینی عملی قیلیش گه باشله دی.

ینگی ویزه تیزیمی باش وزیر عمران خان نینگ اشتراکی بیلن بیر مراسم آرقه لی اعلان قیلیندی. اوشبو ویزه تیزیمی اولاً تورکیه، ملیزیا، چین، امریکا قوشمه ایالتلری و انگلستان تبع لری اوچون 8 دالرگه عملی بولیب باشلنه دی.

عمران خان 7 الی 10 کون جریانیده ویزه مراجعه لری نتیجه سی نینگ معلوم بوله جگینی معلوقیلیب، ویزه آلماقچی بولگن لرنینگ اویلریدن هیچ چیقمه ی توریب ویب سایت آرقه لی مراجعه قیلیشلری نینگ ممکن ایکن لیگینی ایتدی. عین دمده بو تیزیم نینگ مملکت اقتصادی و توریزمی گه کتته حصه قوشه گینی اورغوله دی.

مراجعه قیلگنلرگه الکترونیک پوسته آرقه لی ویزه بیریله جگینی معلوم قیلیب شولرنی اتیدی:

"پاکستان اوتمیشده ترورچیلیک باعث انچه قیین چیلیکلرنی اوتکزدی. ایندی بو وضعیت اوزگردی. پاکستان اینی امنیتلی بیر مملکت دیر. بو ییل گچه دوبی ده ایجرا ایتیلگن پاکستان کریکیت مسابقه لری ایندی بوندن بویان پاکستانده اجرا یتیله دی." دیب گپیردی.

ویزه سی بولگن سیاحلرنینگ هم مملکت نینگ شمالی گه خاص رخصت آلیب باریشلری نینگ ممکن ایکن لیگینی قید ایتگن عمران خان، "انسانلر بو جایگه کیلگندن کیین پاکستان نینگ سرمایه گذارلیک ظرفیتینی کویشلری ممکن. پاکستان نینگ شمالیده جایلشگن تاغلیک منطقه سیویس نینگ ایککی قواتیده دیر و حلی گچه کشف ایتیلمه گن. بو منطقه لرده سیاحت اوچون جوده دقت قیله میز" دیدی.