امریکا قوشمه ایالتلری هندوستان گه باسیم قیلماقده

واشنگتن رهبریتی نینگ اوشبو باسیمی ایسه ونزوئلا بیلن علاقه لی

امریکا قوشمه ایالتلری هندوستان گه باسیم قیلماقده

امریکا قوشمه ایالتلری نینگ ونزوئلا بوییچه خاص نماینده سی ایلیوت ابرامس, اولکه سی نینگ, ونزوئلا جمهوررئیسی نیکولاس مادورو حکومتی دن پطرول ساتیب آلیش نی توخته تنیشی اوچون هندوستان گه باسیم قیلیاتگن لیگی نی بیلدیردی. 

رویترز خبر آژانسی گه کوره, امریکا قوشمه ایالت لری دولت رهبری دونالد ترامپ نینگ اوشبو پیام نی برچه حکومت لر گه بیرگن لیگی نی بیلدیرگن ابرامس, خوددی شوو طلب نینگ ونزوئلا حکومتی بیلن تجارت قیلیاتگن بانک لر و خارجی شرکت لر گه هم بیلدیریلگن لیگی نی معلوم قیلگن. 

پطرول صادر قیلیاتگن اولکه لر تشکیلاتی اعضاسی ونزوئلا نینگ اقتصادی جهتی دن اینگ مهم اولکه لردن بیری بولگن هندوستان, ونزوئلا دن اینگ کوپ خام پطرول آلیب نقد پول بیریاتگن اولکه لر آره سیده ایککینچی اورین نی ایگلله ماقده. 

امریکا قوشمه ایالتلری نینگ ایسه ونزوئلا دن اینگ کوپ پطرول آلیاتگن اولکه لر آره سیده بیرینچی اورین نی ایگلله گن لیگی کورینماقده. 

بیراق امریکا قوشمه ایالتلری پطرول پولی نینگ بویوک بیر قسمی نی اوزی نی دولت رهبری اعلان قیلگن خوان گوایدو گه بیرماقده. 

ونزوئلا ده کرسی لرنینگ اکثریتی اوپوزسیون نینگ قولیده بولگن ملی مجلس باشلیغی خوان گوایدو, جنوری آییده اوزی نی اوتکینچی دولت رهبری اوله راق اعلان قیلدی. 

امریکا قوشمه ایالتلری, آسترالیا, کانادا, کولمبیا, پیرو, اکوادور, پاراگوای, برازیل, چیلی, پانامه, آرژانتین, کوستا ریکا و گواتامالا کبی اولکه لر گوایدو نی تن آلرایکن, سونگگی پیتلرده اورپا پارلمانی هم اوشبو جهت ده قدم تشله گن ایدی. 

تورکیه, مکسیکو, روسیه, ایران, کیوبا, چین و بولیویا کبی اولکه لر مادورو حکومتی نی قوللب – قُوَتلیاتگن لیگی نی بیلدیررایکن, مادورو ایسه اوشبو ینگی لیک لر آرتیدن امریکا قوشمه ایالتلری بیلن بولگن دیپلماتیک مناسبت لری نی توخته تیب قویگن ایدی. 

امریکا قوشمه ایالت لری دولت رهبر دونالد ترامپ ایسه ونزوئلا گه حربی یوباریش لری نینگ ممکن ایکن لیگی نی بیلدیرگن ایدی. 



علاقه لی ینگی لیکلر