پاکستان و هندوستان حربی لری اورته سیده توقنه شوو یوز بیردی

خوددی شوو توقنه شوو اوچ ساعت دوام ایتگن

پاکستان و هندوستان حربی لری اورته سیده توقنه شوو یوز بیردی

هندوستان نشراتی اورگان لری تامانیدن ترقه تیلگن خبرلر گه کوره, پاکستان کوچلری نینگ جمو کشمیر گه قره ته آغیر قوراللر بیلن اوق اوزیشی آرتیدن هندوستان کوچ لری هم جواب قیترگن. 

ایککی اولکه چیگره سیده 3 ساعت دن آرتیق بیر مدت دوام ایتگن اوشبو توقنه شوو لر نینگ هندوستان تامانیده هیچ قنده ی بیر جانی خساره ییتکزمه گن لیگی بیلدیریلدی. 

هندوستان نینگ کنترولی آستیده گی جمو کشمیر ده 14- فبروری کونی اویوشتیریلگن بیر هجوم عاقبتیده 44 نفر حربی نینگ جان بیریشی آرتیدن ایککی اولکه اورته سیده بحران باشلب کیتگن ایدی. 

ینگی دهلی رهبریتی اوشبو هجوم بوییچه پاکستان نی عیبلرایکن, اسلام آباد ایسه خوددی شوو عیبلاو لر نی رد قیلدی. 

هندوستان, 26- فبروری کونی پاکستان نینگ کنترولی آستیده گی کشمیرده اورین آلگن ترور تشکیلاتی هدف لری گه قره ته هوایی عملیات اویوشتیرگن لیگی نی بیلدیردی. 

پاکستان ایسه, هوا ساحه سی نی اخلال قیلگن لیگی سببلی هندوستان نینگ ایککی اوروش طیاره سی نی اوریب توشیرگن لیگی نی معلوم قیلدی.  عینی دمده پاکستان اوروش طیاره لری هندوستان نینگ هوا ساحه سی گه کیردی. 

هندوستان هم پاکستان نینگ بیر اوروش طیاره سی نی اوریب توشیرگن لیگی نی بیلدیردی. بیراق اوشبو خبر پاکستان تامانیدن تائید قیلینمه دی. 

پاکستان باش وزیری عمران خان هندوستان نی اوشبو معما نی دیالوگ آرقه لی ییچیش گه چقیردی. 

اسلام آباد رهبریتی, اسیر بولگن هندوستان لیک پیلوت نی هندوستان گه تاپشیردی. 



علاقه لی ینگی لیکلر