ایران امریکا قوشمه ایالتلری نی تهدید قیلدی

ایران اوچینی آله دیگن لیگی نی معلوم قیلدی

ایران امریکا قوشمه ایالتلری نی تهدید قیلدی

ایران انقلاب محافظ لری عمومی قوماندانی نینگ اورینباسری حسین سلامی, ایران نینگ جنوبشرقیده اویوشتیریلگن و 27 حربی نینگ جان بیریشی گه سبب بولگن تروریستیک هجوم بوییچه امریکا قوشمه ایالتلری, اسرائیل و سعودی عربستان نینگ مسئول ایکن لیگی نی بیلدیردی.

پایتخت تهران ده سیستان و بلوچستان ولایتیده اویوشتیریلگن اوشبو هجوم عاقبتیده جان بیرگن 27 حربی نینگ یاد ایتیلیشی اوچون بولیب اوتگن مراسمده معروضه قیلگن سلامی, امریکا قوشمه ایالتلری, اسرائیل و سعودی عربستان نی قتتیق تنقید قیلدی.

اوشبو تروریستیک هجوم نینگ خلق ارا مقیاسده تیارلنگن بیر پلان دایره سیده اویوشتیریلگن لیگی نی بیلدیرگن سلامی, "حربی لری میز امریکا قوشمه ایالتلری, اسرائیل و منطقه ده گی عرب حکومت لری گه قرشی کوره ش آلیب بارماقده" دییه قید ایتدی. 

سلامی خوددی شوو حادثه عاقبتیده جان بیرگن حربی لرنینگ اوچینی آلیش اوچون پلان لری نینگ تیار ایکن لیگی نی بیلدیردی. 

13- فبرور کونی ایران نینگ سیستان و بلوچستان ولایتی نینگ مرکزی زاهدان شهریده انقلاب محافظ لری گه قره ته منفجره مواد یوکلنگن موتر دن فایده لنگن حالده اویوشتیریلگن انتحاری هجوم عاقبتیده 27 حربی جان بیرگن ایدی. 

خوددی شوو هجوم نینگ مسئولیتی نی ایسه جیش العدل اوز بوینی گه آلگن ایدی. 

انقلاب محافظ لری اردوسی ایسه, توناوکون اویوشتیریلگن بیر عملیات دایره سیده اوشبو حادثه بیلن علاقه لی اوچ کیشی نینگ نظارت آستی گه آلینگن لیگی نی بیلدیرگن ایدی. 



علاقه لی ینگی لیکلر