پاکستاندن بیر هیئت ایرانگه سفر قیلیب باره دی

اوشبو هیئت ایرانده یوز بیرگن خودکش هجوم حادثه سینی تیکشیریب چیقه دی

پاکستاندن بیر هیئت ایرانگه سفر قیلیب باره دی

پاکستان تشقی ایشلر وزیری شاه محمود قریشی، ایران نینگ جنوب – شرق تامانیده یوز بیرگن خودکش هجوم بیلن تیگیشلی اوله راق بیر هیئت نینگ تهرانگه سفر قیلیب باره جگینی بیلدیردی.

ایران تشقی ایشلر وزیرلیگی نینگ ویب سایتی آرقه لی بیریلگن بیاناتده، پاکستان تشقی ایشلر وزیری شاه محمود قریشی بیلن ایران تشقی ایشلر وزیری محمد جواد ظریف اورته سیده تیلفون آرقه لی صحبت عملگه آشیریلگن لیگی بیلدیریلدی.

اوشبو صحبتده، قریشی سیستان – بلوچیستانده انقلاب محافظلری اردوسیدن 27 عسکرنینگ اولیشی گه سبب بولگن خودکش هجومنی قاره له گن. بیر هیئت نینگ ایران لیک مسؤللر بیلن اوچره شیش اوچون تهرانگه جونه تیلیشینی خبر بیرگن.

قریشی حادثه نی تیکشیریب چیقیش و ترورچیلیک که قرشی کوره ش اوچون پاکستان نینگ ایران بیلن تورلی همکارلیک که تیار ایکنینی افاده ایتگن.

ایران نینگ جنوب – شرق تامانیده جایلشگن سیستان – بلوچستان ولایتی زاهدان شهریده پنجشنبه کونی بمب اورنه تیلگن واسطه آرقه لی اویوشتیریلگن خودکش هجومده انقلاب محافظلری اردوسی نینگ اعضاسی 27 کیشی عسکر حیاتینی یوقه تگن ایدی.

اوشبو هجوم نینگ مسؤلیتینی جیش العدل گروهی اوز بوینی گه آلگن ایدی.   



علاقه لی ینگی لیکلر