پاکستانده دینی ایرکین لیک لر بوییچه قیغولر بار

اوشبو مطلب نی امریکا نینگ اسلام آباد ایلچی لیگی سوزچیسی بیلدیردی

1106347
پاکستانده دینی ایرکین لیک لر بوییچه قیغولر بار

امریکا قوشمه ایالتلری نینگ اسلام آباد ایلچی لیگی سوزچیسی سینیلسایر, امریکا رهبریتی نینگ, پاکستان نی, "دینی ایرکین لیک لر بوییچه اینیقسه قیغوله نیشی کیره ک بولگن اولکه لر" لستی گه کیریتگن لیگی نی بیلدیردی. 

امریکا قوشمه ایالتلری نینگ, پاکستان نی دینی ایرکین لر نینگ اخلالی سببلی اوشبو لستگه کیریتگن لیگی گه قره مسدن, خوددی شوو اولکه گه قره ته تحریم تطبیق قیلمیدیگن لیگی نی معلوم قیلدی. 

امریکا قانون لری, میانمار, چین, شمالی کوریا و سعودی عربستان کبی اولکه لرنینگ موجود بولگن اوشبو لستده اورین آلگن اولکه لر گه تحریم تطبیق قیلیش امکانی تامین ایتیب بیرماقده. 

بیر نیچه کون آلدین امریکا قوشمه ایالتلری تشقی ایشلر وزیرلیگی تامانیدن راپور گه قرشی عکس العمل کورستگن پاکستان, اوشبو قرار نینگ سیاسی محتوا گه ایگه ایکن لیگی نی بیلدیرگن ایدی. 

پاکستان تشقی ایشلر وزیرلیگی تامانیدن بیریلگن بیاناتده, اولکه نفوسی نینگ 4 فایزی نی هندولر, مسیحی لر و بودیست لردن عبارت ایکن لیگی بیلدیریلرایکن, پارلمانده اوشبو اقلیت لر گه کرسی اجره تیلگن لیگی معلوم قیلینگن ایدی. 

عینی دمده بیاناتده, "پاکستان, تبعه لری نینگ حق لری نینگ قورینیشی اوچون یخشی بیر سیاسی و اداری میکانیزم قورگن.  اقلیت لرنینگ حق لری نینگ قورینیشی اوچون باشقه اولکه لرنینگ توصیه سی گه احتیاجی یوق.  امریکا نینگ هم ایندی اوشبو اولکه ده گی اسلام هراسلیک و یهودی دشمن لیگی نینگ آرتیب باریاتگن لیگی کوریب اوزی نی تنقید قیلیشی کیره ک" دییه قید ایتیلگن ایدی. 

پاکستان نی ترورچی لر نی قوللب- قوتلش بیلن عیبله گن امریکا قوشمه ایالتلری رهبریتی, پاکستان گه قره تیلگن حربی و مالی یاردم لری نی توخته تیب یاکه معطل قیلیب قویگن ایدی. 



علاقه لی ینگی لیکلر