بیرلشگن ملتلر تشکیلاتی امریکانینگ حماس نینگ قاره له نیشی طلبی نی رد قیلدی

امریکا قوشمه ایالتلری نینگ حماس نینگ قاره له نیشی کیره ک ایکن لیگی گه تیگیشلی طلبی بیرلشگن ملت لر تشکیلاتیده رد قیلیندی. 

عینی دمده امریکا نینگ اوشبو قرار لایحه سیده منطقه ده ایککی دولت لیک بیر ییچیم یولیدن هیچ بحث قیلینمه گن. 

بیرلشگن ملتلر تشکیلاتی عمومی کینگشیده بولیب اوتگن ییغیلیشده امریکا نینگ اوشبو طلبی گه 87 اولکه مثبت, 57 اولکه منفی و 33 اولکه ایسه ممتنع رای بیردی.

کیین چه لیک افغانستان نینگ ممتنع رایی نی منفی رای گه ایلنتیریشی نتیجه سیده منفی رای بیرگن اولکه لر سانی 58 گه کوتریلیب کیترایکن, ممتنع رای میزانی ایسه 32 گه توشیب کیتدی.   

شونده ی قیلیب امریکا قوشمه ایالتلری نینگ حماس نینگ قاره له نیشی کیره ک ایکن لیگی بیلن علاقه لی طلبی بیرلشگن ملت لر تشکیلاتیده رد قیلینگن بولدی.

بیرلشگن ملت لر تشکیلاتی نینگ اوشبو قراری نینگ توصیه خصوصیتی گه ایگه ایکن لیگی گه قره مسدن خلق ارا مقیاسده بیر تاثیر گه بوله دیگن لیگی جهتی دن مهم ایکن لیگی بیلدیریلماقده.  

امریکا قوشمه ایالتلری نینگ بیرلشگن ملت لر تشکیلاتی دایمی نماینده سی نیکی هالی, بولیب اوتگن ییغیلیش آلدی دن بیرگن بیاناتلریده, اسرائیل نینگ حاضرگی کون گه قدر کمیده 500 مراتبه قاره لنگن لیگی نی بیلدیررایکن, حماس نینگ ایسه قاره لنمه گن لیگی نی ادعا قیلیب, شوباعث امریکا نینگ اوشبو طلبی نینگ قبول قیلینیشی کیره ک ایکن لیگی نی بیلدیرگن ایدی.

بیرلشگن ملت لر تشکیلاتی عمومی کینگشیده "اورته شرقده کینگ کولملی,عادلانه و قالووچی تینچ لیک" عنوانی گه ایگه قرار لایحه سی ایسه قبول قیلیندی. 

اوشبو قرار لایحه سی گه 156 اولکه مثبت, 6 اولکه مخالف و 12 اولکه ایسه ممتنع رای بیردی. 

خوددی شوو قرار لایحه سی گه مخالفت قیلگن اولکه لر آره سیده امریکا قوشمه ایالتلری و اسرائیل هم موجود. 

1967 – ییلده باشله گن اسرائیل نینگ شرقی بیت المقدس اشغالی نینگ اداققه ییتیشیشی طلب قیلینگن اوشبو قرارده, اسرائیل و فلسطین نینگ تینچ بیر شکلده بیر جغرافیه ده یشه گن 1967 – ییلده گی چیگره لرگه اساساً ایککی دولت نینگ قوریلیشی قوللب- قُوَتلَندی.