پاکستان تینچ لیک اورنه تیلیشی بوییچه افغانستاننی قولب - قوتله یدی
خلیلزاد پاکستانگه سفر اویوشتیردی
پاکستان باش وزیری عمران خان، افغانستان گه تینچ لیک اورنه تووچی برچه فعالیتلرنی قولب – قوتله یه جکلرینی ایتدی.
خان، ایککی کونلیک رسمی سفر آرقه لی پاکستان نینگ پایتختی کابل گه بارگن امریکا قوشمه ایالتلری نینگ افغانستان خاص نماینده سی زلمی خلیلزاد نی کوتیب آلدی.
تشقی ایشلر وزیری شاه محمد قریشی و تشقی ایشلر وزیرلیگی باش سکرتری تهمینه جنجوعه بیلن اوچره شگن زلمی خلیلزاد پاکستاننی ترک ایتدی.
خلیلزادنینگ سفری، امریکا قوشمه ایالتلری دولت باشلیغی دونالد ترامپ نینگ خانگه افغانستانده ییچیم تاپیشس فعالیتی گه یاردم کورستیش و طالبان گروهینی مذاکره میزیگه آلیب کیلیشی بوییچه یازیب جونتگن نامه سی نینگ ییتیب باریشیدن بیر کون کیین عملگه آشیریلدی.
خان بیلن خلیلزادنینگ ملاقاتی توغریسیده گی تفصیلاتنی نشر قیلگن رادیو پاکستان خبر بیریشیچه، خان، خلیلزادگه افغانستان گه تینچ لیک اورنه تیلیشی اوچون واشنگتن گه یاردم بیره جگینی ایتگن.
خلیلزادگه "پاکستان افغانستانده گی اوروش نینگ نهائی بولیشی اوچون سیاستدن ایش آلیش طرفداری دیر. افغانستان گه تینچ لیک اورنه تووچی برچه فعالیتلرنی قولب – قوتله یمیز" دیب ایتگن خان عین دمده امریکا قوشمه ایالتلری بیلن مشترک ایش آلیب باریشدن خرسند ایکن لیکلرینی افاده ایتگن.
خلیلزاد، افغانستان گه تینچ لیک و بردملیک برقرار بولیشی بیلن تیگیشلی اوله راق قریشی و جنجوعه بیلن هم ملاقات قیلدی. قریشی و جنجوعه هم پاکستان نینگ ییچیم گه یاردم بیره جگینی افاده ایتدی.
قریشی اجتماعی ترماق آرقه لی بیرگن بیاناتیده؛
"پاکستان، افغانستانده اورنه تیلیشی اوچون آتیله دیگن برچه آدیملرنی حمایه قیلیش گه دوام ایته دی. افغانستانده گی دایمی صلح پاکستان نینگ اینگ بویوک آرزوسی دیر." دیب یازگن.
وظیفه گه باشله گن سپتامبر آییدن بیری پاکستان گه اوچونچی مرته سفر اویوشتیرگن زلمی خلیلزاد، امریکا قوشمه ایالتلری نینگ افغانستانده تینچ لیک اورنه تیلیشی اوچون ییچیم فعالیتلری چوکاتیده، افغانستان، روسیه، اوزبیکستان، تورکمنستان، بیرلشگن عرب امیرلیکلری، قطر و بلجیمده بیر قطار اوچره شوولر اوتکزه دی.
امریکا قوشمه ایالتلری، افغانستانده ییچیم تاپیش اوچون طالبان گروهی نینگ حکومت بیلن مذاکره ده اولتیریشینی خواهله گن حالده، طالبان گروهی امریکا قوشمه ایالتلری بیلن مستقیم مذاکره قیلیشنی طلب ایتماقده.
امریکا قوشمه ایالتلری هم خوددی شو اوچون پاکستان نینگ طالبان گروهی اوستیده بولگن تاثیریدن استفاده قیلیب، مذاکره گه قانع قیلیشینی طلب ایتماقده.
طالبان 2015 – ییلی هم طالبان گروهی نینگ میانجگرلیگیده مذاکره میزی گه کیلیب اولتیرگن ایدی. بیراق رهبرلری ملا عمرنینگ اولدیریلیشی باعث مذاکره نی ترک ایتیب کیتگن ایدی.
ملا عمردن کیینگی ایککی رهبری نینگ هم امریکا قوشمه ایالتلری نینگ هیداوچیسی هوا واسطیه سی آرقه لی اوروب اولدیریلیشی گه قره مه ی تینچ لیک اوچره شوولر چین، امریکا قوشمه ایالتلری و روسیه نینگ فعالیتلری بیلن قیته دن باشلنگن ایدی.
شونده ی بولیب سپتامبر آییده روسیه نینگ پایتختی مسکوده طالبان گروهی نینگ هم قتنه شیشی بیلن تینچ لیک اوچره شووی اوتکزیلگن ایدی.
خلیلزاد باشقروویده گی هیئت، اکتوبر آییده قطرنینگ پایتختی دوحه ده طالبان بیلن اوچره شگن ایدی.
