ایران: امریکا نینگ اوچاق تشووچی کیمه لری نی اوره میز

اوشبو مطلب نی انقلاب محافظ لری هوایی کوچلری قوماندانی بیلدیردی

ایران: امریکا نینگ اوچاق تشووچی کیمه لری نی اوره میز

ایران امریکا قوشمه ایالتلری گه قره تیلگن سیاست لری نی کونساین قتتیق لشتیرماقده. 

ایران انقلاب محافظ لری هوایی کوچلری قوماندانی جنرال امیر علی حاجی زاده, اولکه سی نینگ امریکا قوشمه ایالتلری اوچاق تشووچی کیمه لرینی اوریش قابلیتی گه ایگه ایکن لیگی نی بیلدیردی. 

حاجی زاده, اولکه سی نینگ امریکا قوشمه ایالتلری نینگ افغانستان, بیرلشگن عرب امیرلیک لری و قطرده گی حربی مرکز لری نی اوریش کوچی گه ایگه ایکن لیگی نی معلوم قیلدی. 

شونده ی قیلیب حاجی زاده, امریکا نینگ اوشبو مرکز لردن ایران گه قرشی هر قنده ی بیر حرکت قیلیشی تقدیرده ایران تامانیدن اوریله دیگن لیگی نی بیلدیردی.

حاجی زاده نینگ, ایران بیلن امریکا قوشمه ایالتلری اورته سیده گی مناسبت لرنینگ انچه بوزیلیب قالگن بیر پیتده بونده ی بیر بیانات بیرگن لیگی کورینماقده. 

امریکا قوشمه ایالت لری دولت رهبری دونالد ترامپ, می آییده بیرگن بیاناتلریده اولکه سی نینگ بیر تامانلمه اوله راق ایران بیلن بولگن هسته ای کیلیشوو دن چیکیلگن لیگی نی بیلدیرگن ایدی. 

امریکا, اوشبو کیلیشوو دن چیکیلیشی آرتیدن ایران گه قرشی ایککی فرقلی تحریم تطبیق قیلیش گه قرار قیلدی. 

اوشبو دایره ده نوامبر آییدن باشلب ایراندن پطرول وارداتی گه قرشی تحریم تطبیق قیلینه باشلندی. 

بیراق ایران تشقی ایش لر وزیری جواد ظریف اوتگن هفته ده بیرگن بیاناتلریده, امریکا قوشمه ایالتلری نینگ اوشبو تحریم لری نینگ ایران نینگ پطرول صادراتی گه جدی تاثیر قالدیرمیدیگن لیگی نی بیلدیردی. 



علاقه لی ینگی لیکلر