ترامپ: ایندی پاکستانگه پول تووله مه یمیز

ترامپ اجتماعی ترماق بولمیش تویتر آدرسی آرقه لی بیانات بیردی

ترامپ: ایندی پاکستانگه پول تووله مه یمیز

امریکا قوشمه ایالتلری دولت باشلیغی دونالد ترامپ، پاکستانگه پول تووله مس لیکلرینی بیلدیردی.

ترامپ اجتماعی ترماق بولمیش تویتر آدرسی آرقه لی بیرگن بیاناتیده پاکستاننی نشان آلدی.

"ایندی پاکستانگه میلیاردلب دالر تووله مه یمیز. چونکه پولیمیزنی آلیب بیز اوچون هیچ بیرنرسه قیلمه یه پتیلر." دیب ایتدی.

ترامپ شونده ی قیلیب، امریکا قوشمه ایالتلری مرکزی استخبارات تشکیلاتی (CIA) نینگ القاعده نینگ ایسکی باشقرووچیسی اسامه بن لادننی پاکستانده اوشلب آلیشی (می 2011) مثال بیریب کورستدی.

ترامپ،

"البته اسامه بن لادننی انچه آلدین قولگه آلیشیمیز کیره ک ایدی. دنیا تجارت مرکزیده اویوشتیریلگن هجوم (11 سپتامبر) دن آلدین بو موضوعدن کتابیمده بحث قیلگن من. بیل کلینتون اوز چانسینی قولدن بیردی. پاکستانگه میلیاردلب دالر تووله دیک. بیزگه بن لادننی اوجایده حیات کیچیریب تورگنینی ایتمه دی. احمقلر." دیب ایتدی.

ترامپ اداره سی بوندن آلدین هم پاکستان گه بیریله دیگن مادی یاردمنی توخته تیب قویگن ایدی. جنوری آییده امریکا قوشمه ایالتلری تامانیدن بیریلگن بیاناتده پاکستان نینگ بعضی بیر ترور تشکیلاتلری اوچون امنیتلی منطقه ایکن لیگینی و بو تشکیلاتلرنینگ افغانستانده هجوملر اویوشتیرگن لیگینی ادعا ایتگن ایدی.

بو جریانده ایسه پاکستانگه بیریله دیگن 255 میلیون دالرلیک حربی یاردمنی توخته تیب قویگن ایدی.  



علاقه لی ینگی لیکلر