پاکستانده قماقخانه ده محکوم بولیب یاتگن نواز شریف کسلخانه گه انتقال بیریلدی

ایسکی باش وزیر یوراک کسل لیگی باعث شفاخانه گه انتقال بیریلگن

1022031
پاکستانده قماقخانه ده محکوم بولیب یاتگن نواز شریف کسلخانه گه انتقال بیریلدی

پاکستانده قماقخانه ده محکوم بولیب یاتگن ایسکی باش وزیری نواز شریف یوره ک کسل لیگی باعث کسلخانه گه انتقال بیریلگن لیگی بیلدیریلدی.

شریف، ادیاله قماقخانه سیدن توناون کونی کیچه خوفسیزلیک تدبیرلری آستیده، پایتخت اسلام آبادده گی پاکستان طبی بیلیملر انستیتوتی PIMS گه انتقال بیریلدی.

PIMS سوزچیسی وسیم خواجه شاه، ایسکی باش وزیرنی مذکور شفاخانه ده کاردیولوژی سرویسیده تداوی آستیگه آلینگن لیگینی و وضعیتی نینگ یخشی ایکن لیگینی ایتدی.

شفاخانه اداره چیلری عملگه آشیریلگن check-up نتیجه سیده قلب حرکتلریده اوزگریشلر یوز بیرگن شریف نینگ قان شکری نینگ هم یوکسک ایکن لیگینی معلوم قیلدیلر.

نواز شریف بیر مدت آلدین نا راحت بولگن ایدی لیکن PIMS کاردیولوژی دیپارتمنت باشلیغی نعیم مالک، قان لخته بولگن لیگی و خطر تشکیل بیرگن لیگی باعث کسلخانه گه انتقال بیریلیشینی ایتگن ایدی.

بیر مدت آلدین by-pas عملیاتی اوتکزیب یوراک کسل لیگی داریسی استفاده قیله یاتگن شریف نینگ شکر و کولسترول کسل لیگی بولگن لیگی معلوم.

شریف نینگ وجودی نینگ بویره ک و یوراک کسل لیگی گه باعث بوله دیگن درجه ده سووسیز قالگن لیگی باعث اوتگن هفته هم شفاخانه گه انتقال بیریلگن ایدی.



علاقه لی ینگی لیکلر