ایردوغان: ایران هم قوشنی میز همده ستراتیژیک اورتاغیمیزدیر

جمهور باشلیغی رجب طیب ایردوغان، ایران اوچون تورکیه نینگ هم قوشنیسی همده ستراتیژیک اورتاغی ایکنینی ایتدی.

جمهور باشلیغی ایردوغان، BRIC (برازیل، چین، هندوستان و جنوبی افریقا) جلسه سی اوچون جنوبی افرقاگه حرکت قیله یاتگن پیتده پیاتخت انقره ایسن بوغه قونلغه سیده بیانات بیردی.

تورکیه نینگ ایرانگه قره ته آلینگن تحریم گه قرشی یانداشووی اوچون " ایران هم قوشنیمیز همده ستراتیژیک اورتاغیمیز دیر" دیب ایتدی.

ایردوغان؛

چیکلاولر بیلن تیگیشلی اوله راق شونی بیلیشیمیز کیره ک. امریکا قوشمه ایالتلری قنداغ بیر ستراتیژیک اورتاغیمیز بولسه، قنداغ بیر مودل اورتاغیمیز بولسه، بیزنینگ ایریم ستراتیژیک اورتاقلریمیز بیلن مناسبتنی کیسیب تشلش، اولکه لر اورته سیده گی مستقل لیک مفکوره میزگه ضد بوله دی. هم قوشنی میز همده ستراتیژیک اورتاغیمیز دیر. بیز اولردن شونداغ محصولات آلیب تورگنمیز کی آلمه گنده مینینگ اولکم نینگ تشقی سیاستیده نیمه لر بوله دی؟ بیز بولرنی حرمتلی امریکا قوشمه ایالتلری ایسکی دولت باشلیغی بارک أوباما زمانیده هم ایتگن ایدیک. ینه هم تکرار قیله میز. ایندی بولرنی تکرار ایتیش بیزنی متاثر قیلماقده. شو وقتگچه حرمتلی دولت باشلیغی یخشی یانداشوو ایچیده بولگن دیر. مین بونینگ بو شکلده دوام ایته جگینی اویله یمن. دوستلر ییترلی توشونچه لریمیزنی آلیب قیتگن دیر. ینگلیش آدیملر آتیلمه گن دیب اویله تمنی قیله من"