ایران، امریکا قوشمه ایالتلری نینگ نوکلر کیلیشوویدن واز کیچیش قرارینی قاره له دی

ایران جمهور باشلیغی حسن روحانی، امریکا قوشمه ایالتلری دولت باشلیغی دونالد ترامپ نینگ ایران بیلن بولگن نوکلر کیلیشوودن وازکیچگن لیگی بیلن علاقه لی قرارینی قاره له دی.

ایران دولت تلویزیون کانالیده بیانات بیرگن روحانی، هیچ زمان کیلیشووگه قرشی حرکت قیلمه گنلرینی معلوم قیلیب، بونگه تابع قالیش گه دوام ایتجکلرینی بیلدیردی.

روحانی؛

"بوندن کیین ایران کیلیشووگه قول قویگن ایریم بیش اولکه بیلن دوام ایته دی" دیب ایتدی.

عین دمده "امریکا قوشمه ایالتلری (نوکلر کیلیشوویگه ماس حرکت قیلمه گن لیگیمیز بیلن علاقه لی) دلیل لرنی کورستیشی کیره ک" دیدی.

روحانی جنابلری؛

"ترامپ نینگ قراری نینگ اوزلری اوچون تاریخی بیر تجربه ایکن لیگینی قید ایتدی.

ایران جمهور باشلیغی، ایران نینگ کیلیشوونینگ برچه ماده لرینی مراعات قیلگنینی هیچ بیر ماده قرشی حرکت قیلمه گنینی اورغولب، امریکانینگ وعده سیگه وفا قیلمه گنینی کوریب قالدیک. امریکا قوشمه ایالتلری نینگ یگانه حمایه گری نینگ اسرائیل ایکنینی کوریب تورگن میز، دیب ایتدی.

ایران جمهور باشلیغی، امریکا قوشمه ایالتلری نینگ کیلیشوودن واز کیچیش سببی نینگ انگلش نینگ قیین ایکنینی اورغولب،

"بو فقط ایران بیلن امریکا قوشمه ایالتلری اورته سیده آلیب باریلگن بیر کیلیشوو ایمس دیر. بیرلشگن ملتلر خوفسیزلیک کینگشی تامانیدن قبول قیلیب تصدیقلنگن بیر کیلیشوو ایدی. ایریم برچه امضاله گن اولکه ده سناتو و مجلس لرده قبول قیلیب تصدیقلنگن کیلیشوو ایدی" دیدی.

روحانی، ایران اداره سی نینگ کیلیشووگه قول قویگن دنیا اولکه لری بیلن کوریشگندن کیین نوکلر فعالیت لریگه دوام ایتیش گه تیار ایکنینی ایتدی. عین دمده اروپا اولکه لری، چین و روسیه بیلن مذاکره آلیب باریشی اوچون تشقی ایشلر وزیری جواد ظریف گه وظیفه بیرگنینی بیلدیردی.