ایندی تاجکستان تبعه لری نینگ اوزبیکستانگه ویزه سیز سیاحت قیلیشلری ممکن

اوزبیکستان تشقی ایشلر وزیرلیگی مطبوعات دفتریدن بیریلگن بیاناتگه کوره، شوکت میر ضیایف، 9 – مارچده تاجکستانگه اویوشتیرگن سفری دایره سیده تاجکستان جمهور باشلیغی امام علی رحمان بیلن امضاله گن "تاجکستان – اوزبیکستان اورته سیده ایککی تامانلمه سیاحتنی اوز ایچیگه آلگن" حکومتلر ارا کیلیشوونی قبول قیلیب تصدیقله دی.

خوددی شو کیلیشووگه کوره، تاجکستان وطنداشلری 16 مارچده باشله یه دیگن ویزه سیز سیاحت چوکاتیده بوندن بویان 30 کون بوییچه اوزبیکستانگه ویزه سیز سیاحت قیلاله دیلر.

میر ضیایف تامانیدن امضالنگن بیتیمده؛

"نوروز بیره می عرفه سیده ایککی اولکه خلقلری نینگ ایککی تامانلمه کیلیب – کیتیشلری اوچون معقول شرطلرنینگ یراتیلیشینی مقصد قیلیب خوددی شو کیلیشوو رسماً عملی بولیب باشله ییشی گه قدر تاجکستان تبعه لریگه قره ته لایحه نینگ موقتاً عملی قیلینیشی گه قرار بیریلگن لیگی معلوم قلیندی.

اوزبیکستان تبعه لری نینگ تاجکستانگه ویزه سیز سیاحت قیلیشلری بیلن علاقه لی لایحه نینگ قچان عملی بولیب باشله ییشی توغریسیده کیینراق معلومات بیریلرلیگی قید ایتیلدی.

ایککی اولکه اورته سیده سوو و انرژی منبع لری نینگ مشترکاً استفاده ایتیلیشی باعث یوز بیرگن تارتیشوو گه بناً کیلیشمس لیکلر 20 ییلدن بیری دوام ایتیب تورگن ایدی. ایککی تامان 2001 – ییلی ایککی تامانلمه ویزه عملی قیلیب باشله گن ایدی و 1 مینگ 300 کیلومترلیک مشترک چیگره ده گی بعضی بیر گمرک ایشکلرینی یاپیب قویگن ایدیلر.